نئی دہلی: بھارتی کرکٹ ٹیم کے کپتان روہت شرما نے ان تین اہم لوگوں کو خصوصی خراج تحسین پیش کیا، جنھوں نے ٹی ٹوئنٹی ورلڈ کپ 2024 کا ٹائٹل جیتنے میں اہم کردار ادا کیا۔ اس کے علاوہ انھوں آئندہ چیمپئنز ٹرافی 2025 اور ورلڈ ٹیسٹ چیمپئن شپ کے فائنل میں فتح حاصل کرنے کے عزم کا بھی اظہار کیا۔
روہت شرما کی زیرقیادت بھارتی کرکٹ ٹیم نے دو ٹی توئنٹی ورلڈ کپ ٹائٹل جیتنے والی تیسری ٹیم بن کر تاریخ رقم کی۔ اس ناقابل یقین ٹائٹل جیت کے ساتھ روہت ایم ایس دھونی کے بعد پہلے بھارتی کپتان بن گئے جنہوں نے 2013 کی چیمپئنز ٹرافی کے بعد آئی سی سی ٹرافی اٹھائی۔
ممبئی میں CEAT کرکٹ ریٹنگ ایوارڈز کے دوران انہیں مینز انٹرنیشنل کرکٹر آف دی ایئر کا ایوارڈ دیا گیا۔ اس موقع پر انھوں نے 37 سالہ سابق ہیڈ کوچ راہل ڈراوڈ، سلیکشن کمیٹی کے چیئرمین اجیت اگرکر اور بی سی سی آئی کے سکریٹری جے شاہ کے سر ٹی ٹوئنٹی ورلڈ کپ جیتنے کا سہرا باندھا۔
ممبئی سے تعلق رکھنے والے روہت نے کہا کہ یہ میرا خواب تھا کہ میں اس ٹیم کو تبدیل کروں اور اعداد و شمار، نتائج کے بارے میں زیادہ فکر نہ کروں، اس بات کو یقینی بنائیں کہ ہم ایسا ماحول بنائیں جہاں لوگ زیادہ سوچے بغیر آزادانہ طور پر کھیل سکیں' مجھے اپنے تین اہم شخصیات سے بہت مدد ملی، جو دراصل جے شاہ، راہل ڈرایڈ اور سلیکٹرز کے چیئرمین اجیت آگرکر ہیں۔'
واضح رہے کہ بھارت نے اپنی توجہ اگلے سال پاکستان میں ہونے والی چیمپئنز ٹرافی اور مسلسل تیسری ڈبلیو ٹی سی فائنل کے لیے کرکٹ پر مرکوز کر رکھی ہے، کیونکہ دونوں کا فائنل میچ 2025 میں ہونا ہے۔
