نئی دہلی:آئی سی سی ٹی 20 ورلڈ کپ چمپیئن کا وزیراعظم نریندر مودی نے شاہانہ انداز میں استقبال کیا۔ پی ایم مودی سے ملاقات کے دوران کھلاڑٖیوں نے خصوصی جرسی پہنی ہوئی تھی۔ جس پر انڈیا لفظ کے نیچے 'CHAMPIONS' لکھا ہوا تھا۔
اس دوران وزیراعظم مودی نے ٹیم انڈیا کے کپتان روہت شرما اور ہیڈ کوچ راہل دراوڈ سمیت تمام کھلاڑیوں کو مبارکباد دی اور تمام کھلاڑیوں کے ساتھ تصویر بھی بنوائی۔
وزیراعظم نریندرمودی کی رہائش گاہ پر ورلڈ چیمپیئن ٹیم انڈیا کا شاندار استقبال (Source: Narendra Modi_YouTube)
ہندوستانی کرکٹ ٹیم وزیراعظم سے ملاقات کے بعد وانکھیڑے اسٹیڈیم روانہ ہوگئی ہے۔ جہاں ٹیم انڈیا آج میرین ڈرائیو سے وانکھیڑے اسٹیڈیم تک کھلی بس پر ٹرافی کے ساتھ فاتح جلوس کی قیادت کرے گی۔
اس کے لیے شائقین کو وانکھیڑے اسٹیڈیم جانے کی اجازت دی گئی ہے۔ داخلہ پہلے آئیے پہلے پائیے کی بنیاد پر ہے۔ اس کے لیے کوئی ٹکٹ نہیں دیا جائے گا۔
