حیدرآباد: بھارتی کرکٹ ٹیم کے آل راؤنڈر رویندر جڈیجہ نے بھی ٹی 20 انٹرنیشنل کرکٹ سے ریٹائرمنٹ کا اعلان کردیا۔ قبل ازیں گذشتہ روز ٹیم انڈیا کے کپتان روہت شرما اور اسٹار بیٹر ویرات کوہلی نے بھی ریٹائرمنٹ کا اعلان کیا تھا، جس کے ایک دن بعد ہی جڈیجہ نے بھی بھی ٹی 20 کرکٹ سے ریٹائرمنٹ کا اعلان کردیا۔
Dear @imjadeja,
— Narendra Modi (@narendramodi) June 30, 2024
You have performed exceptionally as an all-rounder. Cricket lovers admire your stylish stroke play, spin and superb fielding. Thank you for the enthralling T20 performances over the years. My best wishes for your endeavours ahead.
ویڈیوز اینڈ فوٹوز شیئرنگ ایپ انسٹاگرام پر رویندر جڈیجہ نے ٹی 20 انٹرنیشنل کرکٹ کھیلنے سے ریٹائرمنٹ کا اعلان کردیا۔ اپنے پیغام میں انہوں نے کہا کہ ’میں اپنی ٹیم کےلیے دیگر فارمیٹ کیلئے دستیاب رہوں گا، ٹی 20 کرکٹ ورلڈکپ جیتنا ہمارا خواب تھا جو پورا ہوچکا ہے، میں سپورٹ کیے جانے پر تمام لوگوں کا شکریہ ادا کرتا ہوں‘۔
جڈیہ کے اعلان کے بعد وزیر اعظم نریندر مودی نے ایک ٹوئٹ کرکے ان کے مستقبل کے لیے نیک خواہشات کا اظہار کیا۔ مودی نے کہا کہ ’آپ نے بطور آل راؤنڈر غیرمعمولی کارکردگی کا مظاہرہ کیا۔ کرکٹ کے شائقین آپ کے اسٹائلش اسٹروک پلے، اسپن اور شاندار فیلڈنگ کی تعریف کرتے ہیں۔ کئی سالوں سے T20 میں آپ کے بہترین پرفارمنس کے لیے آپ کا شکریہ۔ آپ کے مستقبل کےلئے میری نیک خواہشات ہیں‘۔ جڈیجہ نے پی ایم مودی کے ٹوئٹ کا جواب دیتے ہوئے کہا کہ ’بہت شکریہ سر‘۔
