حیدرآباد: پاکستان کرکٹ بورڈ (پی سی بی) نے انٹرنیشنل کرکٹ کونسل (آئی سی سی) کے اعلیٰ عہدے کے لیے بی سی سی آئی سیکریٹری جے شاہ کے انتخاب پر پہلی بار اپنی خاموشی توڑی ہے۔
پی سی بی کے چیئرمین محسن نقوی نے کہا کہ انھیں جے شاہ کو اس عہدے پر تعینات کیے جانے پر کوئی تشویش نہیں ہے۔ پاکستانی میڈیا چینل جیو نیوز کے مطابق محسن نقوی نے صحافیوں کو بتایا کہ ہم جے شاہ سے رابطے میں ہیں، ان کے آئی سی سی چیئرمین بننے کی کوئی فکر نہیں ہے۔
Mohsin Naqvi said " no issues about jay shah becoming icc chairman. i've had several meetings with jay shah. the next asian cricket council meeting is on 8th and 9th september. plans on acc's new president will be finalised there. pcb coo salman naseer will attend meeting" 🇵🇰🇮🇳🔥 pic.twitter.com/jC9Txtp3jh
— Faizan Naseer Faizi 🇵🇰 (@Faizan_Naser_K9) September 8, 2024
اس کے علاوہ پی سی بی کے چیئرمین نے مزید کہا ہے کہ چیمپئنز ٹرافی کا انعقاد صرف پاکستان میں ہی ہوگا اور اس میں تمام آتھ ٹیمیں شرکت کریں گی۔ جس کے بعد اب یہ قیاس آرائیاں پھر سے شروع ہوگئی ہے کہ محسن نقوی کے بیان کے مطابق بھارتی کرکٹ ٹیم اس آئی سی سی ایونٹ میں شرکت کے لیے پاکستان جائے گی۔
واضح رہے کہ جے شاہ یکم دسمبر 2024 کو آئی سی سی کے چیئرمین کے طور پر اپنا عہدہ سنبھالیں گے۔ جبکہ پاکستان کی توجہ اگلے سال آئی سی سی چیمپئنز ٹرافی کی میزبانی پر مرکوز ہے۔ اس تعلق سے نقوی نے تصدیق کی ہے کہ پی سی بی اس حوالے سے بی سی سی آئی سمیت ٹورنامنٹ میں حصہ لینے والی تمام ٹیموں کے بورڈز کے ساتھ رابطے میں ہے۔
PCB chairman Mohsin Naqvi said " all eight teams [including india] will come to pakistan for 2025 champions trophy" 🇵🇰🇮🇳🔥 pic.twitter.com/y5P6TFzvDA
— Farid Khan (@_FaridKhan) September 7, 2024
قابل ذکر ہے کہ بی سی سی آئی نے ابھی تک چیمپئنز ٹرافی میں شرکت کے لیے ٹیم انڈیا کو پاکستان بھیجنے کے تعلق سےکوئی باضابطہ اعلان نہیں کیا ہے۔ اس سے قبل بی سی سی آئی کے نائب صدر راجیو شکلا نے کہا تھا کہ بھارتی ٹیم اسی وقت پاکستان جائے گی جب بھارتی حکومت انھیں پاکستان جانے کی اجازت دے گی۔
چند روز قبل ہی مرکزی وزیر داخلہ امت شاہ نے ایک نیوز چینل پر کہا تھا کہ پاکستان سے جب تک دہشت گردی جاری رہے گی، تب تک ہمارا ان سے کوئی تعلق قائم نہیں ہوسکتا ہے۔ اب دیکھنا یہ ہوگا کہ 19 فروری سے 9 مارچ تک ہونے والے اس آئی سی سی ٹورنامنٹ کے لیے بھارت پاکستان جائے گا یا نہیں؟
