پیرس: ہریانہ کے نشانے بازوں نے پیرس اولمپکس 2024 میں شاندار کارکردگی کا مظاہرہ کیا ہے۔ پہلے منو بھاکر نے ملک کے لیے شوٹنگ میں کانسی کا تمغہ جیتا تھا اور اب بھارتی شوٹر سربجوت سنگھ نے منو بھاکر کے ساتھ مل کر اچھی کارکردگی کا مظاہرہ کرتے ہوئے کانسے کے تمغے کے لیے کوالیفائی کیا ہے۔ منو بھاکر یہ ایونٹ جیت کر تاریخ رقم کر سکتی ہیں۔ جس سے بھارت کو ایک اور تمغے کی امید بڑھ گئی ہے۔
منو بھاکر نے پیرس اولمپکس میں بھارت کو پہلا تمغہ دلایا تھا۔ اب انہیں منگل کو کانسی کے تمغے کے لیے مقابلہ کرنا ہے۔ سربجوت سنگھ نے اپنی شاندار شوٹنگ سے پیرس اولمپکس میں اپنی جگہ بنا لی ہے۔ انہوں نے اپنی کارکردگی سے نہ صرف قومی بلکہ بین الاقوامی سطح پر بھی اپنی ایک الگ شناخت قائم کی ہے۔
اگر آج منو بھاکر اور سربجوت سنگھ کانسے کا تمغہ جیتنے میں کامیاب ہو جاتے ہیں تو منو بھاکر اولمپکس کی تاریخ میں ایک ہی اولمپکس میں دو تمغے جیتنے والے پہلی بھارتی کھلاڑی بن جائیں گی۔ اگرچہ، سشیل کمار اور پی وی سندھو نے یقینی طور پر دو تمغے جیتے ہیں لیکن انہوں نے دو الگ الگ اولمپکس میں یہ تمغے جیتے ہیں۔
