پاکستان نے آئرلینڈ کو 7 وکٹوں سے شکست دی، تین میچوں کی سیریز میں دونوں 1۔1 سے برابر - PAKISTAN VS IRELAND T20 SERIES

Pakistan Defeated Ireland By Seven Wickets محمد رضوان اور فخرالزماں کی شاندار نصف سنچریوں کی بدولت پاکستان نے آئر لینڈ کو دوسرے ٹی20 میچ میں سات وکٹوں سے شکست دے دی۔اس جیت کے ساتھ پاکستان نے سیریز1۔1 سے برابر کرلی ہے۔ تیسرا اور فائنل ٹی 20 مقابلہ دلچسپ ہونے والا ہے۔

ڈبلن:میزبان آئر لینڈ کے 193 رنوں کے جواب میں پاکستان نے 19 گیندیں باقی رہتے 16.5 اوورز میں تین وکٹوں کے نقصان پر مطلوبہ ہدف حاصل کرلیا۔اس جیت کے ساتھ پاکستان نے سیریز1۔1 سے برابر کرلی۔

ہدف کے تعاقب کے دوران پاکستان کی شروعات مایوس کن رہی اور 6 رنوں کے مجموعی اسکور صائم ایوب چھ رن بنا کر پویلین لوٹ گئے۔ پاکستان کے 13 رنوں کے مجموعی اسکور پر اس وقت ایک بڑا دھچکا پہنچا جب کپتان بابر اعظم بغیر کھاتہ کھولے ہوم کی گیند پر کیچ آوٹ ہو گئے۔

اس کے بعد محمد رضوان اور فخر الزماں نے محتاط انداز میں بلے بازی کرتے ہوئے تیسرت وکٹ کے لئے 140 رنوں کی شاندار شراکت داری کی۔فخر الزماں 61 گیندوں پر چھ چوکوں اور چھ چھکوں کی مدد سے 78 رن بنا کر وائٹ کی گیند پر کیچ آوٹ ہوگئے۔

محمد رضوان 46 گیندوں پر چھ چوکوں اور چار چھکوں کی مدد سے 75 رن بنا کر ناٹ آوٹ رہے ۔اس کے علاوہ اعظم خان 10 گیندوں پر ایک چوکا اور چار چھکوں کی مدد سے 30 رن بنا کر ناٹ آوٹ رہے۔پاکستان نے 19 گیندیں باقی رہتے 195 رن بنا کر میچ جیت لیا۔

اس سے قبل پاکستان کی دعوت پر پہلے بیٹنگ کرتے ہوئے میزبان ٹیم آئر لینڈ نے مقررہ 20 اوورز میں سات وکٹوں کے نقصان پر 193 رن بنائے۔لورکان ٹیکر 51 رن،ہنری ٹیکٹر32 اور کارٹس کمفر22 رن بنا کر نمایاں اسکورر رہے۔پاکستان کی جانب سے شاہین شاہ آفریدی کو 3،عباس آفریدی کو دو جبکہ محمد عامر اور نسیم شاہ کو ایک ایک وکٹ ملے۔