ممبئی:بین الاقوامی شہرت یافتہ لارڈز کرکٹ گراؤنڈ میں سنچری بنانا ہر بلے باز کا خواب ہوتا ہے۔ اگر کوئی کرکٹر اس گراؤنڈ پر سنچری بناتا ہے یا زیادہ وکٹ لیتا ہے تو اس کا نام گراؤنڈ کے ریکارڈ بک میں شامل ہو جاتا ہے۔ یہی وجہ ہے کہ گیند باز اور بلے باز اس گراؤنڈ پر ریکارڈ لکھنے کی کوشش کرتے ہیں۔
اب تک صرف دس ہندوستانی کھلاڑی ہی لارڈز میں سنچری بنانے میں کامیاب ہوئے ہیں۔اس میں کرناٹک کے کے ایل راہل بھی ان میں سے ایک ہیں۔ گزشتہ تین سال قبل اس دن یعنی 12 اگست 2021 کو کے ایل راہل نے لارڈز کرکٹ گراؤنڈ میں کئی ریکارڈ اپنے نام کیے تھے۔ انہوں نے ٹیم کی جیت میں بھی اہم کردار ادا کیا۔
انگلینڈ کے دورے پر موجود ہندوستانی کرکٹ ٹیم نے آج لارڈز میں دوسرا ٹیسٹ میچ کھیلا۔ اس میچ میں کے ایل راہل نے شاندار اننگز کھیلی اور ٹیم انڈیا کے اوپننگ بلے باز کے طور پر کئی ریکارڈ اپنے نام لکھے۔ راہل (129) نے میزبان انگلینڈ کے خلاف سنچری بنا کر ایک نیا ریکارڈ اپنے نام کیا۔
تاریخی لارڈز گراؤنڈ پر ٹیم انڈیا کے سابق کھلاڑی وریندر سہواگ کا ریکارڈ برابر ہوگیا۔ راہل نے ایشیا سے باہر ہونے والے کرکٹ میچوں میں سب سے زیادہ 4 سنچریاں بنانے کا ریکارڈ برابر کیا۔ کے ایل راہل لارڈز گراؤنڈ میں ہندوستان کے لیے اوپنر کے طور پر سنچری بنانے والے تیسرے کھلاڑی بن گئے۔
یہ بھی پڑھیں:جانیئے چیمپئنز ٹرافی 2025 تک ہندوستانی ٹیم کا مکمل شیڈول
اس سے قبل 1952 میں ونو مانکڈ اور 1990 میں روی شاستری نے اس گراؤنڈ پر سنچریاں اسکور کی تھیں۔ اس کے بعد راہل نے یہ کارنامہ انجام دیا۔ اس کے علاوہ 129 رنز بنا کر وہ لارڈز میں چوتھے سب سے زیادہ انفرادی اسکورر بن گئے۔ اس سے قبل ونو مانکڈ (184 رنز)، دلیپ (157)، سورو گنگولی (131 رنز) نے یہ کارنامہ انجام دیا تھا۔ کے ایل راہول کی شاندار بلے بازی کی بدولت ہندوستان نے یہ میچ 150 رنز سے جیت کر ایک ریکارڈ بنایا۔
