حیدرآباد: بھارت کے اسٹار نیزہ باز نیرج چوپڑا نے اپنی پہلی ہی کوشش میں جیولین تھرو کے فائنل کے لیے کوالیفائی کرلیا تھا۔ نیرج نے 89.34 میٹر نیزہ پھینک کر کوالیفائنگ راونڈ میں پہلے نمبر پر تھے۔ نیرج کی اس شاندار کارکردگی سے ایک بار پھر پورا ملک ان سے سونے کی امید کر رہا ہے۔
نیرج چوپڑا کے گھر والے بھی ان کی بہترین کارکردگی سے کافی خوش ہیں۔ان کے والد اور دادا کو امید ہے کہ نیرج ٹوکیو کی طرح پیرس میں بھی گولڈ جیتے گا۔ نیرج چوپڑا ریاست ہریانہ کے ضلع پانی پت کے کھنڈرا گاؤں کے رہائشی ہیں۔ ان کے والد سبھاش چوپڑا نے کہا کہ ہمیں پوری امید ہے کہ اس بار بھی ان کا بیٹا گولڈ میڈل لا کر پورے ملک کو خوشی کا موقع دے گا۔
انہوں نے کہا کہ نیرج سے بات ہوئی تھی تو اس نے کہا ہے کہ جسم ٹھیک کام کر رہا ہے۔ امید ہے کہ اس بار بھی میں ٹوکیو اولمپکس کی تاریخ دہرانے میں کامیاب ہو جاؤں گا۔ قابل ذکر ہے کہ نیرج چوپڑا نے ٹوکیو اولمپکس میں 87.58 میٹر برچھا پھینک کر گولڈ میڈل جیتا تھا۔
نیرج چوپڑا کے دادا کا کہنا ہے کہ ہمیں خوشی ہوتی ہے کہ وہ پورے ملک کو خوش رہنے کا موقع فراہم کرتا ہے۔تمغہ جیتنے کی امید پر انہوں نے کہا کہ ہمیں پورا یقین ہے کہ وہ گولڈ جیتے گا لیکن یہ خدا کی مرضی پر منحصر ہے۔ جو بھی تمغہ آئے گا وہ بخوشی قبول کرے گا۔
جیولن تھرو کا فائنل راونڈ: گولڈن بوائے نیرج چوپڑا نے مردوں کے جیولن تھرو ایونٹ کے گروپ بی کے کوالیفائنگ میچ میں 89.34 میٹر دور نیزہ پھینک کر پہلا مقام حاصل کیا تھا اور یہ نیرج کا بہترین سیزن ریکارڈ بھی تھا۔ اب وہ فائنل میں بھارت کو طلائی تمغہ دلا سکتے ہیں۔ مردوں کے جیولین تھرو کا فائنل راونڈ رات 11:55 بجے سے شروع ہوگا۔ اس راونڈ میں بارہ کھلاڑی شریک ہوں اور سرفہرست تین کھلاڑیوں کو میڈل سے نوازا جائے گا۔
گولڈن بوائے نیرج چوپڑا کی کامیابیاں: نیرج چوپڑا نے 2016 میں ورلڈ جونیئر چیمپئن شپ میں گولڈ میڈل، 2016 میں ساؤتھ ایشیا گیمز میں گولڈ میڈل، 2017 میں ایشین چیمپئن شپ میں گولڈ میڈل، 2018 میں کامن ویلتھ گیمز میں گولڈ میڈل، 2018 میں جکارتہ میں ایشین گیمز میں گولڈ میڈل، 2020 میں ٹوکیو اولمپکس میں گولڈ میڈل، 2022 میں عالمی چیمپئن شپ میں چاندی کا تمغہ اور 2023 میں عالمی چیمپئن شپ میں سونے کا تمغہ جیتا تھا۔
