جے پور: اے یو بینک کی جانب سے منعقد ’’بنو چیمپئن ‘‘ ریاستی سطح کے ٹورنامنٹ میں کھلاڑیوں کی حوصلہ افزائی کے لیے آئی میری کوم نے یہاں میڈیا سے بات چیت کرتے ہوئے یہ بات کہی۔ جب ان کی توجہ ان کی ریٹائرمنٹ کے اعلان کی خبر کی طرف مبذول کرائی گئی تو انہوں نے کہا کہ وہ ابھی کھیل سے ریٹائرمنٹ نہیں لینا چاہتیں۔ وہ مزید پانچ سال کھیلنے کی خواہش رکھتی ہیں اور ان میں اتنی توانائی ہے لیکن ایج لیمٹ کے قوانین کی وجہ سے اب وہ ملک کے لیے مزید نہیں کھیل پارہی ہیں۔
ریٹائرمنٹ کی خبر پر انہوں نے کہا کہ وہ اسکول کے ایک پروگرام میں ایسا اعلان کیوں کریں گی۔ اس طرح کی بات ہونا بہت غلط ہے۔ انہوں نے کہا کہ وہ بین الاقوامی کھیلوں کے رنگ میں بھی دکھنا چاہتی ہیں لیکن قوانین کی وجہ سے اب وہ ملک کے لیے نہیں کھیل پارہی رہیں۔ انہوں نے کہا لیکن وہ ابھی ریٹائر نہیں ہونا چاہتی۔ وہ ریٹائر بھی ہو سکتی ہیں اور جب ایسا ہو گا تو وہ میڈیا کے سامنے اس کا اعلان کریں گی۔
یہ بھی پڑھیں:وشنو سرونن نے جہاز رانی میں پیرس اولمپکس کے لیے ہندوستان کا پہلا کوٹہ حاصل کیا
میری کوم نے کہا کہ وہ فٹ رہنا چاہتی ہیں اور سب کو فٹ رہنا چاہیے۔ فٹ رہنے کے لیے صحت مند ہونا بھی ضروری ہے۔ ان کا کہنا تھا کہ ابھگوان سے پرارتھنا ہے کہ ملک میں ان جیسے مزید چیمپئن بنیں۔ انہوں نے کہا کہ ان کی پرارتھنا ہے کہ ملک کو کئی چیمپئنز ملیں۔ انہوں نے کھلاڑیوں کو ایسا پلیٹ فارم فراہم کرنے پر اے یو بینک کی تعریف کی اور خواہش کی کہ راجستھان سے چیمپئن نکلیں اور ملک کا نام روشن کریں۔
یو این آئی
