حیدرآباد: بھارت کی اسٹار شوٹر منو بھاکر نے پیرس اولمپکس میں دو کانسے کا تمغہ جیت کر سب کو حیران کر دیا ہے۔ وہ سوشل میڈیا پر کافی زیادہ ٹرینڈ بھی کرتی رہتی ہیں۔ اس وجہ سے ان کے مداح بھی اب ان کی پسند اور ناپسند جاننے میں دلچسپی ظاہر کر رہے ہیں۔ اس شاندار کامیابی کے بعد بھارت کے گولڈن بوائے نیرج چوپڑا کے ساتھ منو بھاکر کی شادی کی افواہ بھی بہت زیادہ سرخیوں میں ہے۔
اسی درمیان منو بھاکر نے ایک حالیہ انٹرویو میں اپنے پسندیدہ کرکٹرز کے نام کا انکشاف کیا ہے۔ اس کے علاوہ انہوں نے ایک اسٹار ایتھلیٹ کے بارے میں بات کی جو ان کی تحریک تھی۔ انھوں نے اپنے انٹرویو کہا کہ مجھے بہت سے کھلاڑی پسند ہیں لیکن میں صرف چند ناموں کا ذکر کرنا چاہوں گی۔ جس کے ساتھ ایک گھنٹہ بھی وقت گزارنا اعزاز کی بات ہوگی۔
منو نے کہا کہ ٹیم انڈیا میں تین کرکٹرز میرے فیورٹ ہیں اور وہ سچن تنڈولکر، مہندر سنگھ دھونی اور ویراٹ کوہلی ہیں۔ ان تینوں کے ساتھ وقت گزارنا اعزاز کی بات ہوگی، یہاں تک کہ ان سے تھوڑی دیر بات کرنا بھی بہت متاثر کن ہے۔ منو بھاکر نے مزید کہا کہ میں نے یوسین بولٹ کی سوانح عمری بھی پڑھی ہے اور میں ان کے کئی انٹرویوز بھی دیکھے ہیں۔
Learning techniques of a new sport with the Mr. 360 of India! @surya_14kumar 💪 pic.twitter.com/nWVrwxWYqy
— Manu Bhaker🇮🇳 (@realmanubhaker) August 25, 2024
اس سے قبل منو بھاکر کی ملاقات ٹیم انڈیا کے ٹوئنٹی کے کپتان سوریہ کمار سے بھی ہوئی، منو بھاکر نے سوشل میڈیا پلیٹ فارم ایکس پر سوریہ کے ساتھ ایک تصویر شیئر کرتے ہوئے لکھا کہ ٹیم انڈیا کے مسٹر 360 کے ساتھ ایک نئے کھیل کی تکنیک سیکھتی ہوئی!
قابل ذکر ہے کہ جب سے منو بھاکر نے پیرس اولمپکس میں تاریخ رقم کیا ہے تب سے ان پر انعامات کی بارش ہورہی ہے۔ حال ہی میں انھیں چنئی کے ایک نجی اسکول میں تشریف لائی تھیں جہاں انھیں 2.07 کروڑ روپے بطور انعام پیش کئے گئے۔
منو بھاکر نے پیرس اولمپکس 2024 میں اپنی شاندار کارکردگی سے پورے ملک کا سر فخر سے بلند کیا ہے۔ منو بھاکر ایک ہی اولمپکس میں دو تمغے جیتنے والے پہلی بھارتی کھلاڑی ہیں۔ انھوں نے 10 میٹر ایئر پسٹل کے سنگل اور مکسڈ مقابلوں میں کانسے کا تمغہ جیتا تھا۔
