ممبئی : ہندوستانی کرکٹ ٹیم کو گوتم گمبھیر کی شکل میں نیا ہیڈ کوچ مل گیا ہے۔ اب ٹیم انڈیا کے بالنگ کوچ کی تلاش تیز ہوگئی ہے۔ بی سی سی آئی بھی ہندوستانی کرکٹ ٹیم کے لیے نئے بالنگ کی تلاش میں ہے۔
Zaheer Khan & Balaji on the BCCI's bucket list for the next Indian bowling coach. [Vipul Kashyap from ANI] pic.twitter.com/Ug7M448pLd
— Johns. (@CricCrazyJohns) July 10, 2024
بی سی سی آئی کی نظر میں ٹیم انڈیا کا بالنگ کوچ بننے کے لیے سابق ہندوستانی تیز گیند باز ظہیر خان اور لکشمپتی بالاجی کے نام شامل ہے۔ اے این آئی کی رپورٹ پر یقین کیا جائے تو بی سی سی آئی ان دونوں کے ناموں پر غور کر رہا ہے۔
ہندوستانی ٹیم کے سابق کوچ راہول ڈریوڈ کی ہندوستان کے ہیڈ کوچ کی مدت 30 جون کو ختم ہوگئی۔ اس کے بعد گزشتہ منگل کو گوتم گبھیر کو ٹیم انڈیا کا کوچ مقرر کیا گیا ہے۔
وہ ٹیم کے ہیڈ کوچ بن گئے ہیں۔ گمبھیر 27 جولائی سے سری لنکا کے خلاف سیریز سے ٹیم انڈیا کی کمان سنبھالیں گے۔ اب ظہیر خان یا لکشمی پتی بالاجی گمبھیر کو باؤلنگ کوچ کے طور پر سپورٹ کر سکتے ہیں۔
یہ بھی پڑھیں:سابق کرکٹر گوتم گمبھیر ٹیم انڈیا کے ہیڈ کوچ مقرر
ان دونوں میں سے کسی ایک کو بولنگ کوچ بنایا جا سکتا ہے۔ میڈیا رپورٹس پر یقین کیا جائے تو ظہیر خان اس دوڑ میں بہت آگے دکھائی دے رہے ہیں۔ اگر وہ ٹیم کے بولنگ کوچ بنتے ہیں تو وہ ٹیم میں پارس مہامبرے کی جگہ لے سکتے ہیں۔ جو راہول ڈریوڈ کی قیادت میں ٹیم انڈیا کے بولنگ کوچ ہیں۔
