پیرس اولمپکس میں ایک ہی ملک کے دو کھلاڑی ہوں گے آمنے سامنے - Lakshya vs Prannoy

پیرس اولمپکس کے چھٹے دن بھارت کے دو اسٹار شٹلرز ایچ ایس پرنائے اور لکشیا سین مردوں کے سنگلز پری کوارٹر فائنل میں آمنے سامنے ہوں گے۔ اس میچ میں ہارنے والے کھلاڑی کا سفر یہیں پر ختم ہوجائے گا۔

پیرس: بھارت کے اسٹار شٹلر ایچ ایس پرنائے نے بدھ کی رات مردوں کے سنگلز گروپ میچ میں ویتنام کے لی ڈک فاٹ کو شکست دی۔ اس جیت کے ساتھ ہی وہ گروپ میں فاتح کے طور پر پری کوارٹر فائنل میں داخل ہو گئے۔ اب وہ راؤنڈ آف 16 میں اپنے ہم وطن کھلاڑی لکشیا سین سے مدمقابل ہوں گے، یہ میچ آج ہی کھیلا جائے گا۔

گزشتہ سال ایشیائی کھیلوں میں کانسے کا تمغہ جیتنے والے بھارتی شٹلر کو پہلے گیم میں غیر متوقع شکست کا سامنا کرنا پڑا تھا۔ لیکن پرنائے نے زبردست واپسی کی اور دوسرا اور تیسرا گیم بآسانی جیت لیا۔

An all-Indian clash!!! 🥶

Lakshya Sen & HS Prannoy will go head-to-head in a thrilling R16 match tomorrow 🏸

Catch all the action from this mouthwatering clash LIVE on #Sports18 and stream for FREE on #JioCinema! 👈#OlympicsOnJioCinema #OlympicsOnSports18 #JioCinemaSports… pic.twitter.com/qnt7trWlFO

— JioCinema (@JioCinema) July 31, 2024

اس سے قبل بدھ کو ہی بھارتی شٹلر لکشیا سین نے مردوں کے سنگلز گروپ میچ میں انڈونیشیا کے جوناتھن کرسٹی کو ہرا کر پری کوارٹر فائنل میں جگہ بنائی تھی۔ اب بھارت کے یہ دونوں اسٹار شٹلر آج راؤنڈ آف 16 کے میچ میں آمنے سامنے ہوں گے۔ اس میچ کے بعد پیرس اولمپکس میں ان دونوں میں سے کسی کا سفر ختم ہو جائے گا۔

پرنائے بمقابلہ لکشیا

بھارت کے تجربہ کار شٹلر ایچ ایس پرنائے اور نوجوان اسٹار لکشیا سین اب تک 7 بار مدمقابل ہوئے ہیں۔ جس میں سے لکشیا سین نے 4 بار جیت حاصل کی ہے۔ دونوں کھلاڑی آخری بار 14 جنوری 2022 کو انڈیا اوپن میں آمنے سامنے ہوئے تھے۔ اس دوران لکشیا نے پرنائے کو 21 - 14، 9-21 اور 14-21 سے شکست دی تھی۔ دونوں شٹلرز کے درمیان آج سخت مقابلہ متوقع ہے۔