پیرس: انڈین اولمپک ایسوسی ایشن کی پریس ریلیز کے مطابق یہ افسوسناک خبر سامنے آئی ہے کہ پیرس اولمپکس میں بھارتی دستے نے خواتین کی ریسلنگ 50 کلوگرام کے زمرے سے ونیش پھوگاٹ کی نااہلی کی خبر شیئر کی ہے۔ گزشتہ رات ونیش کی بہترین کھیل کا مظاہرہ کرنے کے باوجود آج صبح اس کا وزن 50 کلو سے کچھ گرام زیادہ ہو گیا۔ جس کی وجہ سے انھیں اس ایونٹ کے فائنل میچ سے روک دیا گیا ہے۔
🚨 It is with regret that the Indian contingent shares news of the disqualification of Vinesh Phogat from the Women’s Wrestling 50kg class. Despite the best efforts by the team through the night, she weighed in a few grams over 50kg this morning. No further comments will be made…
— Team India (@WeAreTeamIndia) August 7, 2024
پیرس گیمز کی آرگنائزنگ کمیٹی نے ایک بیان میں کہا کہ وینش پھوگاٹ کے نااہل ہونے کے بعد اب میڈل میچ میں اولمپک گیمز کے سیمی فائنل میں ونیش پھوگاٹ سے ہارنے والے کیوبا کی پہلوان امریکی پہلوان سے مقابلہ کریں گی۔ انٹرنیشل ریسلنگ رولز کے آرٹیکل 11 کے مطابق، ونیش کو اس پہلوان سے تبدیل کیا جائے گا جو سیمی فائنل میں اس کے خلاف ہار گئی تھی۔ لہذا کیوبا کی یوزنیلیس گزمین لوپیز فائنل میں مقابلہ کریں گے۔ جبکہ جاپان کی یوئی سوساکی کانسے کے تمغے کے لیے یوکرین کی اوکسانا لیواچ سے مد مقابل ہوں گی۔
میڈل میچ میں اب کسی کو بھی چاندی کا تمغہ نہیں دیا جائے گا۔ اس ایونٹ میں اب صرف گولڈ اور کانسے کا ہی تمغہ دیا جائے گا۔ واضح رہے کہ خاتون ریسلر ونیش پھوگاٹ نے پیرس اولمپکس 2024 میں پہلی بار فائنل میں جگہ بنا کر تاریخ رقم کی تھی۔ اس ایونٹ میں انھوں نے جاپان اور یوکرین کی پہلوان کو کوراٹر اور سیمی فائنل میں شکست دی تھیں۔
اس سے قبل 50 کلوگرام زمرے میں ونیش پھوگاٹ کی تاریخی جیت نے ملک کے لوگوں کی تعریف اور توجہ حاصل کی تھی۔ بھارت کے سابق گولڈ میڈلسٹ ابھینو بندرا، راہل گاندھی اور پرینکا گاندھی سمیت کئی سیاسی رہنماوں نے وینش کو مبارک باد بھی دی تھی۔ لیکن اس خبر نے کروڑوں بھارتی شائقین کا دل توڑ دیا ہے کیونکہ ونیش نے فائنل میں پہنچ کر بھارت کے لیے ایک میڈل یقینی بنا دی تھی۔
