بارباڈوس: ٹیم انڈیا آئی سی سی ٹی 20 ورلڈ کپ 2024 کا فائنل کھیلنے کے لئے بارباڈوس پہنچ گئی ہے۔ سیمی فائنل میں انگلینڈ کو 68 رنوں سے شکست دینے کے بعد روہت شرما کی قیادت والی ٹیم گیانا سے بارباڈوس پہنچ گئی۔ اب ٹیم انڈیا کو ٹورنمنٹ کا فائنل میچ 29 جون (ہفتہ) کو برج ٹاؤن کے کینسنگٹن اوول اسٹیڈیم میں جنوبی افریقہ کے خلاف کھیلنا ہے۔
#WATCH | Indian cricket team arrived in Barbados ahead of their T20 World Cup Final match against South Africa on 29 June pic.twitter.com/6QTaiu9aVT
— ANI (@ANI) June 28, 2024
ٹیم انڈیا کا بارباڈوس پہنچنے کا ویڈیو سوشل میڈیا پر منظرعام پر آئی ہے۔ اے این آئی نے اس ویڈیو کو اپنے آفیشل ایکس اکاؤنٹ سے شیئر کیا ہے۔ اس ویڈیو میں ٹیم انڈیا کے کھلاڑی جسپریت بمراہ، ہاردک پانڈیا، محمد سراج اور اکشر پٹیل نظر آ رہے ہیں۔ اس کے بعد وراٹ کوہلی اور یجویندر چہل ایک ساتھ آتے دکھائی دے رہے ہیں۔
اس ویڈیو میں یشسوی جیسوال تنہا نظر آئے ۔ اس کے بعد ٹیم کے تمام کھلاڑی اور کوچنگ اسٹاف کے تمام ارکان کو ٹیم بس میں جاتے دیکھا جا سکتا ہے۔ یہاں سے بس کھلاڑیوں کو ان کے ہوٹل لے گئی۔ اب ہندوستانی کرکٹ ٹیم ایک زبردست مقابلے میں جنوبی افریقہ کا مقابلہ کرنے اور T20 ورلڈ کپ 2024 کا خطاب جیتنے کے لیے پوری طرح تیار ہے۔
یہ بھی پڑھیں:وراٹ کوہلی بڑے کھلاڑی ہیں، فائنل میں رن بنائیں گے:روہت شرما -
ٹی ٹوئنٹی ورلڈ کپ کے لیے ہندوستانی ٹیم: روہت شرما (کپتان)، وراٹ کوہلی، رشبھ پنت، سوریہ کمار یادو، شیوم دوبے، ہاردک پانڈیا، رایندر جڈیجہ، اکسر پٹیل، کلدیپ یادیو، جسپریت بمراہ، ارشدیپ سنگھ، محمد سراج، سنجو سیمسن، یاشاسوی جیسوال، یجویندر چہل۔
