جارج ٹاون: ہندوستانی کپتان روہت شرما نے انگلینڈ کے خلاف ٹی ٹوئنٹی ورلڈ کپ 2024 کے سیمی فائنل میں شاندار نصف سنچری کھیل کر ایک بڑا ریکارڈ اپنے نام کر لیا ہے۔ روہت کھیل کے مختصر ترین فارمیٹ میں سب سے کامیاب کپتان بن گئے۔ ان کی کپتانی میں ہندوستان نے انگلینڈ کو 68 رنوں سے شکست دے کر فائنل میں رسائی حاصل کی۔ روہت نے بطور کپتان سب سے زیادہ ٹی ٹوئنٹی میچ جیتنے کے معاملے میں پاکستانی کپتان بابر اعظم کو پیچھے چھوڑ دیا ہے۔ اس کے ساتھ ہی روہت ٹی 20 انٹرنیشنل کرکٹ میں 5000 رن بنانے والے کھلاڑی بھی بن گئے ہیں۔
Most wins as Captain in T20I International History:
— Tanuj Singh (@ImTanujSingh) June 27, 2024
Rohit Sharma - 49* (61 Matches).
Babar Azam - 48 (85).
- THE HITMAN AT THE TOP. 🇮🇳 pic.twitter.com/YpfMD9vroI
کپتان روہت نے بابر کا ریکارڈ توڑا
ہندوستانی ٹیم کے کپتان کے طور پر روہت شرما نے اپنی 49 ویں ٹی20 انٹرنیشنل جیت درج کی ہے۔ جبکہ پاکستانی کپتان بابر اعظم نے 85 بین الاقوامی میچوں میں 48 فتوحات درج کی ہیں۔ ان کی جیت کا تناسب 56.47 ہے۔ دوسری طرف روہت نے 61 میچوں میں 49 جیت کے ساتھ بابر کو پیچھے چھوڑ دیا ہے۔ روہت کی جیت کا تناسب 78.68 ہے۔ ہندوستانی کپتان روہت ٹی 20 ورلڈ کپ 2024 میں ٹیم کی قیادت کر رہے ہیں اور انہوں نے 7 اننگز میں 41.33 کی اوسط سے 3 نصف سنچریوں کی مدد سے 248 رنز بنائے ہیں۔ اس کے ساتھ وہ ٹورنامنٹ کے تیسرے سب سے زیادہ رنز بنانے والے کھلاڑی بن گئے ہیں۔
روہت نے ایک بڑا سنگ میل حاصل کیا
روہت شرما نے بطور کپتان 5000 بین الاقوامی رنز کا ہندسہ عبور کیا اور ایسا شاندار کارنامہ انجام دینے والے پانچویں کھلاڑی بن گئے۔ روہت نے یہ سنگ میل اپنی 57 رنز کی نصف سنچری اننگز کے دوران حاصل کیا ہے۔
اس کے علاوہ اس میچ میں کئی ریکارڈ بھی ٹوٹے۔ کرس جارڈن اور عادل راشد بالترتیب تین اور ایک وکٹ کے ساتھ ٹی20 ورلڈ کپ میں انگلینڈ کے لیے مشترکہ طور پر سب سے زیادہ وکٹیں لینے والے بالر بن گئے۔ ان دونوں کے وکٹوں کی تعداد 31 ہوگئی ہے۔ اسٹیورٹ براڈ کے نام 30 وکٹ تھے اور وہ انگلینڈ کے کامیاب ترین بالر تھے۔
ہندوستانی کپتان کے طور پر تمام فارمیٹس میں 5000 سے زیادہ رنز
12883 - وراٹ کوہلی
11207 - ایم ایس دھونی
8095 - محمد اظہر الدین
7643 - سورو گنگولی
5013* - روہت شرما
ٹی 20 ورلڈ کپ میں انگلینڈ کی جانب سے سب سے زیادہ وکٹ حاصل کرنے والے گیندباز
31 - عادل رشید
31 - کرس جارڈن
30 - اسٹورٹ براڈ
22 - گریم سوان
مردوں کے ٹی20 ورلڈ کپ میں 1000 سے زیادہ رن
1216 - وراٹ کوہلی
1211 - روہت شرما
1016 - مہیلا جے وردھنے
1013 - جوس بٹلر
ٹی20 ورلڈ کپ ناک آؤٹ میں فتح کا سب سے بڑا مارجن
74 رنز - ویسٹ انڈیز بمقابلہ آسٹریلیا، کولمبو آر پی ایس، 2012 سیمی فائنل
68 رنز - انڈیا بمقابلہ انگلینڈ، پروویڈنس، 2024 سیمی فائنل
57 رنز - سری لنکا بمقابلہ ویسٹ انڈیز، اوول، 2009 سیمی فائنل
یہ بھی پڑھیں:ٹی ٹوئنٹی ورلڈ کپ 2024 میں ابھی تک کوئی سنچری نہیں بن سکی
36 رنز - ویسٹ انڈیز بمقابلہ سری لنکا، کولمبو آر پی ایس، 2012 فائنل
ٹی20 ورلڈ کپ ایڈیشن میں ہندوستان کے لئے سب سے زیادہ وکٹیں
15 - ارشدیپ سنگھ (2024)
13 - جسپریت بمراہ (2024)
12 - آر پی سنگھ (2007)
11 - روی چندرن اشون (2014)
