دوسرے ٹیسٹ میچ میں بھارت کو جیت کے لیے 95 رنز کا ہدف - Ind vs ban 2nd Test

بھارت اور بنگلہ دیش کے درمیان کانپور میں جاری دوسرے ٹیسٹ میچ کے پانچویں دن بنگلہ دیش کی دوسری اننگز 146 رنز پر سمٹ گئی، جس کی وجہ سے بھارت کو میچ جیتنے کے لیے 95 رنز کا ہدف ملا ہے۔

کانپور: بھارت اور بنگلہ دیش کے درمیان دو ٹیسٹ میچوں کی سیریز کا دوسرا ٹیسٹ میچ کانپور کے گرین پارک اسٹیڈیم میں کھیلا جارہا ہے۔ بارش سے متاثرہ اس ٹیسٹ میچ کا آج پانچواں دن ہے۔ پہلے دن صرف 35 اوورز کا ہی کھیل ہو سکا تھا جبکہ دوسرا اور تیسرے دن ایک بھی گیند نہیں پھینکی جاسکی تھی۔

لیکن چوتھے دن بھارتی ٹیم کے گیند بازوں نے شاندار کارکردگی کا مظاہرہ کرتے ہوئے بنگلہ دیشی ٹیم کو 233 رنز پر سمیٹ دیا۔ اس کے بعد بھارتی ٹیم نے ایسی جارحانہ اننگز شروع کی کہ ٹیسٹ میچ میں موجود تماشائیوں نے ٹی ٹوئنٹی کا مزہ لینا شروع کر دیا۔ کیونکہ بھارتی ٹیم نے مجموعی طور پر ٹیسٹ میں سب سے تیز 50 رنز، 100 رنز، 150 رنز، 200 رنز اور 250 رنز کا اسکور اپنے نام کرلیا تھا۔

Lunch on Day 5 in Kanpur!

8⃣ wickets in the morning session ⚡️⚡️#TeamIndia need 95 runs to win the 2nd Test!

Stay tuned for the chase.

Scorecard - https://t.co/JBVX2gyyPf#INDvBAN | @IDFCFIRSTBank pic.twitter.com/aEQFbnBxFB

— BCCI (@BCCI) October 1, 2024

بھارت نے اپنی پہلی اننگز 9 وکٹوں کے نقصان پر 285 رنز پر ڈکلیئر کر دی، جس کی وجہ سے انھیں بنگلہ دیش پر 52 رنز کی برتری حاصل ہوگئی تھی اور چوتھے دن کے اختتام پر بنگلہ دیش نے دوسری اننگز میں دو وکٹ کھو کر 26 رنز بنا لیے تھے۔

پانچویں دن بنگلہ دیش کی دوسری اننگز 146 رنز پر سمٹ گئی جس کی وجہ سے بھارت کو دوسرا ٹیسٹ میچ جیتنے کے لیے 95 رنز کا ہدف ملا ہے۔ بنگلہ دیش کی جانب سے شادان اسلام 50 رنز اور مشفیق الرحیم نے 37 رنز بنا کر نمایاں رہے۔ بھارت کی جانب سے بمراہ، اشون اور جڈیجہ نے تین تین وکٹ لینے میں کامیاب رہے جبکہ آکاش دیپ نے ایک وکٹ لیا۔