حیدرآباد: ٹی ٹوئنٹی ورلڈ کپ 2024 جیتنے کے بعد بورڈ آف کنٹرول فار کرکٹ ان انڈیا (BCCI) شاندار انداز میں ٹیم انڈیا کی جیت کا جشن منانے کے لیے تیار ہے۔ کیونکہ ٹیم انڈیا طوفان بیرل کی وجہ سے بارباڈوس میں تین دن تک پھنسے رہنے کے بعد دہلی روانہ ہوگئی ہے۔
ٹیم انڈیا جمعرات کی صبح بارباڈوس سے نئی دہلی پہنچے گی جہاں وہ صبح 11 بجے وزیراعظم مودی کے ساتھ ناشتہ کرے گی۔ اس کے بعد ٹیم انڈیا ممبئی کے لیے روانہ ہوگی، جہاں وانکھیڈے اسٹیڈیم تک ایک کھلی بس کی سواری کرے گی۔ اس کے بعد وانکھیڑے اسٹیڈیم میں شاندار استقبالیہ تقریب بھی منعقد ہوگی۔
🏆🇮🇳 Join us for the Victory Parade honouring Team India's World Cup win! Head to Marine Drive and Wankhede Stadium on July 4th from 5:00 pm onwards to celebrate with us! Save the date! #TeamIndia #Champions @BCCI @IPL pic.twitter.com/pxJoI8mRST
— Jay Shah (@JayShah) July 3, 2024
ورلڈ کپ جیتنے والی ٹیم اپنے معاون عملے، بی سی سی آئی کے کئی عہدیداروں، کھلاڑیوں کے اہل خانہ اور 22 ہندوستانی صحافیوں کے ساتھ بدھ کی صبح تقریباً 6 بجے بارباڈوس سے روانہ ہوئی۔ روہت شرما، شیوم دوبے اور محمد سراج نے انسٹاگرام پر ٹی 20 ورلڈ کپ کی ٹرافی پکڑے ہوئے ایک تصویر کے ساتھ اپنی روانگی کی اطلاع بھی دی۔
ممبئی کرکٹ ایسوسی ایشن (ایم سی اے)، بی سی سی آئی کے عہدیداروں نے بس پریڈ کے انتظامات اور ٹریفک کا شیڈول تیار کرنے کے لیے ممبئی پولیس کے اہلکاروں سے ملاقات بھی کی۔
29 جون کا دن بھارتی ٹیم اور ان کے مداحوں کے لیے بھی ایک خاص موقع تھا، کیونکہ ٹیم نے 11 سال کے طویل عرصے کے بعد آئی سی سی ایونٹ جیت کر ٹرافی کی خشکی کا خاتمہ کیا۔
بھارت کی یہ جیت اس لیے بھی خاص تھی کیونکہ ٹیم کے تین کھلاڑیوں - ویراٹ کوہلی، روہت شرما اور رویندر جڈیجا نے ٹی ٹوئنٹی کو الوداع کہہ دیا۔ ٹیم انڈیا کا یہ دوسرا ٹی ٹوئنٹی ورلڈکپ ہے کیونکہ اس نے 2007 میں دھونی کی کپتانی میں بھی یہ کارنامہ کرچکی ہے۔ ٹیم انڈیا ٹورنامنٹ میں ناقابل شکست رہتے ہوئے ٹی ٹوئنٹی ورلڈ کپ جیتنے والی پہلی ٹیم بھی بن گئی۔
