نئی دہلی: بھارت اور آسٹریلیا کے درمیان گابا ٹیسٹ کے دوسرے روز رشبھ پنت نے عثمان خواجہ کو وکٹ کے پیچھے کیچ کر کے ایم ایس دھونی اور سید کرمانی کی برابری کر لی۔ آسٹریلوی اوپنر کے آؤٹ ہونے کے ساتھ ہی پنت نے ٹیسٹ کرکٹ میں 150 یا اس سے زیادہ وکٹ لینے والے تیسرے وکٹ کیپر بن گئے ہیں۔
مسلسل بارش کی وجہ سے پہلا دن خراب ہونے کے بعد صرف 13.2 اوور کھیلے گئے۔ گابا ٹیسٹ کے دوسرے دن کھیل کی شروعات آدھا گھنٹہ پہلے ہوئی جس میں جسپریت بمراہ کی گیند پر وکٹ کے پیچھے عثمان خواجہ کا شاندار کیچ لیا۔ بھارت کو اس ٹیسٹ میچ میں پہلی کامیابی 16.1 اوورز میں ملی۔ خواجہ کے بلے کے کنارے لگ کر بال وکٹ کے پیچھے چلی گئی جہاں پنت نے اسے خوبصورتی سے کیچ کر لیا۔ اس کے علاوہ پنت پہلے ہی بہت سے ریکارڈز ہیں جن میں 135 کیچ اور 15 اسٹمپنگ شامل ہیں۔ وہ 41 واں ٹیسٹ میچ کھیل رہے ہیں۔
RISHABH PANT COMPLETED 150 DISMISSAL IN TEST CRICKET 🙇
— Monish (@Monish09cric) December 15, 2024
- Only 3rd Indian Wicket keeper, one of the finest ever.#RohitSharma #JaspritBumrah#Gabba #GabbaTest #AUSvsIND #AUSvIND #INDvAUS #INDvsAUS #KLRahul #ViratKohli pic.twitter.com/FYQXdUnX8u
اس سے قبل سابق بھارتی وکٹ کیپر مہندر سنگھ دھونی نے 90 ٹیسٹ میچوں میں وکٹ کے پیچھے 294 آؤٹ کیے جس میں 256 کیچز اور 38 اسٹمپنگ شامل تھے۔ دوسرے نمبر پر راہل ڈریوڈ کا نام آتا ہے جنہوں نے 163 ٹیسٹ میں 209 کیچ لیے۔ جب کہ سید کرمانی نے 88 ٹیسٹ میں 198 آؤٹ کیے جس میں 160 کیچز اور 38 اسٹمپنگ شامل ہیں۔ اس کے بعد رشبھ پنت کا نام آتا ہے جنہوں نے اپنا آؤٹ لینے کا ریکارڈ 150 تک پہنچا دیا ہے۔
یہ سیریز فی الحال 1-1 سے برابر ہے اور تیسرے ٹیسٹ میں جیت دونوں ٹیموں کے لیے بالکل اہم ہے کیونکہ اس کا نتیجہ ورلڈ ٹیسٹ چیمپئن شپ (WTC) فائنل کے لیے کوالیفائی کرنے کے ان کے امکانات کو متاثر کر سکتا ہے۔ سیریز کا چوتھا ٹیسٹ 26 دسمبر سے شروع ہوگا۔
