نئی دہلی: معروف کاروباری شخصیت مہندرا گروپ کے چیئرمین، آنند مہندرا نے حکومت اور نجی شعبے دونوں کی جانب سے اہم کوششوں کے باوجود پیرس اولمپکس کے لیے عالمی معیار کا ٹیلنٹ پیدا کرنے میں بھارت کی ناکامی پر تشویش کا اظہار کیا ہے۔ بھارت پیرس اولمپکس میں تمغوں کی تعداد کے اعتبار سے 71 ویں نمبر پر رہا، جو ٹوکیو اولمپکس 2020 سے بھی کم تھا۔
مہندرا گروپ کے چیئرمین آنند مہندرا نے سوشل میڈیا پر اپنی نئی پوسٹ میں سوالات اٹھائے ہیں کہ حکومت اور پرائیویٹ سیکٹر دونوں کی اہم کوششوں کے باوجود بھارت اولمپک گیمز کے لیے عالمی معیار کا ٹیلنٹ پیدا کرنے میں کیوں ناکام ہو رہا ہے۔
I’m extremely proud, of course, of our valiant medal winners of the Paris Olympics.
— anand mahindra (@anandmahindra) August 17, 2024
But I have to confess a sense of distress when seeing our overall ranking plummet.
Everyone usually has a great theory about what we need to do to live up to our potential & garner a… pic.twitter.com/ZS3SjVBvFn
انھوں نے یہ بھی لکھا کہ مجھے پیرس اولمپکس کے اپنے بہادر تمغے جیتنے والوں پر یقیناً بہت فخر ہے۔ لیکن مجھے میڈل ٹیبل ٹیلی میں گراوٹ دیکھ کر تکلیف ہوتی ہے۔ ہر ایک شخص کے پاس اس تعلق سے اپنا ایک نظریہ ہوتا ہے کہ ہمیں اپنی صلاحیت کے مطابق زندگی گزارنے اور اپنی آبادی کے لحاظ سے قابل احترام تعداد میں تمغے حاصل کرنے کے لیے ہمیں کیا کرنے کی ضرورت ہے۔ لیکن میں بھارت کی پرفارمنس سے الجھن میں ہوں۔
انھوں نے مزید لکھا کہ حکومت نے واضح طور پر اچھی خاصی رقم خرچ کی ہے۔کھیلوں کے بنیادی ڈھانچے کے معیار میں بھی بہتری آئی ہے۔ یہاں تک کہ قومی ذہنیت میں بھی تبدیلی آئی ہے اور ہمارے کھلاڑیوں میں بہت زیادہ دلچسپی پیدا ہوئی ہے۔ تو پھر زمین پر وہ کون سی چیز ہے جو ہمیں اولمپک کھیلوں میں عالمی سطح کے ٹیلنٹ کو تلاش کرنے سے روکتی ہے؟
واضح رہے کہ بھارت پیرس اولمپکس میں تمغوں کی تعداد میں 71 ویں نمبر پر رہا جو ٹوکیو اولمپکس 2020 سے کم بھی ہے، جہاں وہ 48 واں مقام پر تھا۔ بھارت پیرس اولمپکس میں پاکستان سے بھی نیچے رہا کیونکہ اس کے اسٹار جیولن تھرو ارشد ندیم نے 1 گولڈ میڈل جیتا تھا۔
