دھارواڑ :رہاست کرناٹک کے دھاروڑ میں انجمن ترقی اردو ہند کی جانب سے 29 جون کو ڈاکٹر مہر افروز کی کتاب تنہا جزیرے کا رسم اجرا کی تقریب کا انعقاد کیا جائے گا۔کتاب تنہا جزیرے کی رسم اجراء بدست مہمان خصوصی انجمن اسلام کے صدر محمد اسماعیل تامٹگار کے ہاتھوں عمل میں آئے گا۔
کرناٹک اردو اکاڈمی کے سابق چیئرمین ڈاکٹر ناظم سرگروہ جلسہ کی صدارت کریں گے جبکہ بطور اعزازی مہمان حیدر علی باغبان چیئرمین وقف بورڈ گلبرگہ، مبین مدیر سہ ماہی رسالہ چراغ نور یادگیر، بشیر خان جاگیردار نائب صدر انجمن اسلام ، محمد شفیع کلی منی ، محمد رفیق شیرہٹی خزانچی انجمنِ اسلام شرکت کریں گے۔
اس کے علاوہ ڈاکٹر یاسین رہی معروف شاعر و ادیب تنہا جزیرے پر تبصرہ کریں گے۔ عبدلرشید شاد نظامت کے فرائض انجام دیں گے۔ اس موقع پر سہ ماہی چراغ نور یادگیر کا خصوصی شمارہ ڈاکٹر مہر افروز نمبر کی اجراء بھی عمل میں ائے گی۔رسم اجراء کے فوراً بعد مشاعرے کا انعقاد ہو گا جس میں مجاور مالیگاوی، روشن خانزادے ، یاسین راہی، مبین یادگیری ، ریاض سحر، ثاقب جنیدی، احمد باشاہ ساغر، ، عبدالرشید شاد، ثناء اللہ ثنا،ڈاکٹر مہر افروز ، نسیم مہک اپنا کلام پیش کرینگے ڈاکٹر قدیر ناظم سرگرو نائب صدر انجمن ترقی اردو ہند کرناٹک ،مشاعرے کی صدارت فرمائیں گے۔
یہ بھی پڑھیں:انشائیہ کا مجموعہ ارمغان رافق کا اجراء
کرناٹک اُردو اکاڈمی کے رکن شریف احمد شریف نظامت کے فرائض انجام دیں گے۔انجمنِ ترقی اُردو ہند کے صدر و اراکین نے محبان اردو سے شرکت کی گذارش کی ہے ۔
