جموں: بھارتی فوج نے بدھ کے روز ایک پُروقار تقریب میں ’فینٹم‘ نامی چار سالہ فوجی کتے کو خراج عقیدت پیش کیا۔ اس موقع پر ادھم پور میں اے ڈی بریگیڈ کے تحت منعقد کی گئی تقریب میں سینئر فوجی افسران اور دیگر اہلکاروں نے شرکت کی۔ فینٹم، ایک بیلجئین ملینوا نسل کا حملہ آور کتا، پیر کے روز جموں کے اکھنور سیکٹر میں عسکریت پسندوں کے خلاف کیے گئے آپریشن کے دوران ہلاک ہو گیا۔ فوج کے مطابق یہ آپریشن اُس وقت شروع ہوا جب پیر کی صبح عسکریت پسندوں نے بٹال کے گھنے جنگلات میں فوجی قافلے پر اچانک حملہ کیا۔
A solemn wreath-laying ceremony was organised today at #Udhampur to pay homage to #ArmyDog #Phantom who made the supreme sacrifice in dense jungles of Battal, Akhnoor (J&K) on 28th Oct 2024. His sacrifice will never be forgotten.@SpokespersonMoD@adgpi@Whiteknight_IA @diprjk pic.twitter.com/A30hurEx2V
— PRO Defence Jammu (@prodefencejammu) October 30, 2024
آپریشن کے دوران فینٹم نے عسکریت پسندوں کے خفیہ ٹھکانوں کا پتہ لگایا اور بارودی مواد کی شناخت میں بھی مدد فراہم کی، جس سے اہلکاروں نے فوری طور پر علاقے کو محاصرے میں لے لیا۔ فوجی بیان کے مطابق ’’بدقسمتی سے عسکریت پسندوں کے ساتھ ایک قریبی مقابلے کے دوران فینٹم گولیاں لگنے سے شدید زخمی ہوا اور جان کی بازی ہار گیا۔‘‘
فوج کا کہنا ہے کہا کہ فینٹم نے فوجیوں کو بچانے کے لیے اپنی جان قربان کی، جو اس کی وفاداری اور بہادری کی علامت ہے۔ فینٹم، مئی 2020 میں پیدا ہوا اور اگست 2022 میں فوج میں شامل کیا گیا اور اس دوران وہ کئی اہم آپریشنز کا حصہ رہا۔ فوج نے فینٹم کو خراج تحسین پیش کرتے ہوئے کہا: ’’فینٹم کی قربانی قومی سلامتی اور امن کے قیام کے لیے دی گئی عظیم قربانیوں میں ایک اور مثال ہے۔‘‘
سینئر افسران نے فینٹم کی عظیم قربانی سراہا ہے۔ ڈیفنس پی آر او نے کہا: ’’فینٹم کی بہادری نے کئی زندگیاں بچائیں اور اس کا کردار آپریشن کی کامیابی میں مرکزی حیثیت رکھتا ہے۔ اس کی قربانی کو ہمیشہ عزت کے ساتھ یاد رکھا جائے گا۔‘‘
یہ بھی پڑھیں: اکھنور میں عسکریت پسندوں کے ساتھ تصادم میں فوج کا کتا ہلاک
