جموں: مرکز کے زیر انتظام یوٹی جموں و کشمیر میں ہونے والے انتخابات کے مد نظر سرحدی اضلاع میں چوکسی میں اضافہ کر دیا گیا ہے۔ سیکورٹی فورسز کو الرٹ رہنے کی ہدایت دی گئی ہے۔ سرحدی علاقوں کے مزدیکی گاؤں میں تلاشی کاروائی شروع کی گئی ہے۔ ولیج ڈیفنس گارڈز کے ساتھ سیکورٹی فورسز کے اہلکار بھی موجود ہیں تاکہ کوئی عسکریت یا کوئی مشتبہ شخص نظر آتے ہی پکڑا جا سکے۔
حال ہی میں یوٹی جموں و کشمیر کے راجوری ضلع کے نوشہرہ سیکٹر میں ولیج ڈیفنس کمیٹی (وی ڈی سی) کے ممبران کو لائن آف کنٹرول (ایل او سی ) کے نزدیک سرحد پار سے منشیات کی اسمگلنگ کی سرگرمیوں کو ناکام بنانے میں ان کے غیر متزلزل عزم کے لیے سراہا جا رہا ہے۔ چوبیس گھنٹے چوکسی کے ساتھ، یہ مقامی لوگ ہندوستانی فوج اور جموں و کشمیر پولیس کے اہم اتحادی بن کر ابھرے ہیں۔
یہ بھی پڑھیں: یہ بھی پڑھیں: لائن آف کنٹرول اور بین الاقوامی سرحد پر فوج کی چوکسی ...
سرحدی دیہاتوں میں منشیات کی اسمگلنگ کے خطرے کا مؤثر طریقے سے مقابلہ کرنا، ان کی مسلسل نگرانی اور مشتبہ سرگرمیوں کا فوری ردعمل منشیات کی اسمگلنگ کی متعدد کوششوں کو ناکام بنانے میں اہم کردار ادا کرتا ہے۔ بڑھتے ہوئے چیلنج کے خلاف علاقے کی حفاظت میں ان کے اہم کردار کے لیے سیکورٹی فورسز کی جانب سے تعریف کی جاتی ہے۔
