گاندربل: سرینگر لہہ شاہراہ پر گاڑیوں کی آمدورفت دوبارہ بحال کر دی گئی ہے۔شاہراہ پر گاڑیوں کی آمدورفت دوبارہ بحالی سے ٹرانسپوٹرز کے ساتھس اتھ عام لوگوں کو بھی جزوی راحت ملی ہے۔انتظامیہ کی جانب سے آمدورفت کو معمول پر لانے کی کوشش کی جا رہی ہے۔
ذرائع کے مطابق گزشتہ روز کو تازہ برفانی تودے گرآنے کی وجہ سے ایک دن تک بند رہنے کے بعد سرینگر لہہ شاہراہ پر سونمرگ سے کرگل کی طرف دوبارہ گاڑیوں کی آمد رفت شروع ہوگئی ہے۔
گزشتہ روز زوجیلا پاس کے پانچ مقامات پر تازہ برفانی تودی گرآنے کے بعد شاہراہ پر ایک مرتبہ پھر گاڑیوں کی آمدور فت عارضی طور پر بند ہوگئ تھی جس کے بعد زوجیلا پاس کے دونوں طرف سے گاڑیاں درماندہ ہوگئے تھے ۔تاہم بیکن نے جلد ہی جنگی بنیادوں پر مزدوروں اور مشینری کو کام پر لگایا تھا۔
اس دوران آج ایس او ٹریفک پولیس سونمرگ فاروق احمد نے اپنے ٹیم کے ہمراہ زوجیلا پاس پر پہنچے تھے اور سڑک کی صورتحال کا جائزہ لیا۔ انہوں نے بتایا بیکن نے شاہراہ سے برفانی تودے ہٹانے کے بعد ٹریفک پولیس کو گرین سگنل دے دی جس کے ساتھ ہی ٹریفک کو سونمرگ سے کرگل کی طرف سے روانہ کیا گیا ہے۔
یہ بھی پڑھیں:Heavy Snowfall In Sonmarg سرینگر لیہہ قومی شاہراہ پر برف ہٹانے کا کام شدومت سے جاری
ادھر جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والا تاریخی مغل روڈ مسلسل بند ہے تاہم اس کو بحال کرنے کا کام شد ومد سے جاری ہے۔وادی کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر بھی ٹریفک معطل ہے۔
