اننت ناگ: انہوں نے کہا کہ طلباء برادری نے اس سلسلے میں ایک یاداشت کو ڈپٹی کمشنر اننت ناگ کو پیش کیا تاکہ حالیہ ریزرویشن پالیسی میں ہمارے تحفظات کو یقینی بنایا جائے اور اس پالیسی پر ازسر نو غور کیا جائے۔
انہوں نے مزید کہا کہ حالیہ پالیسی پر نظرثانی نے خاص طور پر ملازمت کے مواقع اور تعلیمی داخلوں میں ہماری کمیونٹی کی نمائندگی کو متاثر کیا ہے۔
ریاست کے اندر اکثریتی آبادی کے طور پر یہ متضاد محسوس ہوتا ہے کہ ملازمتوں اور داخلوں میں ہمارا حصہ اس حد تک محدود کر دیا گیا ہے جسے اقلیتی کوٹہ کے طور پر سمجھا جا سکتا ہے۔
اس نمایاں کمی نے غیر محفوظ طلبہ برادری اور ملازمت کے متلاشیوں میں تناؤ اور غیر یقینی کی لہر کو جنم دیا ہے، جنہیں اب محدود سیٹوں کی وجہ سے اپنے مستقبل کو محفوظ بنانے کی کم گنجائش کا سامنا ہے۔ مظاہرین کے مطابق معاشرے کے تمام طبقات میں وسائل اور مواقع کی منصفانہ تقسیم کی پیچیدگیوں اور ضرورت کو گہرائی سے سمجھتے ہیں۔
یہ بھی پڑھیں:
اننت ناگ: ٹراوٹ مچھلیوں کی افزائش میں 20 فیصد اضافہ - Anantnag Trout Fish
تاہم، موجودہ تبدیلیاں ہماری آبادی کے ایک بڑے حصے کو قابل فہم نقصان پہنچا رہی ہیں، جو کہ انصاف پسندی اور شمولیت کے اصولوں کے خلاف ہے۔انہوں نے لفٹننٹ گورنر سے اپیل کرتے ہوئے کہا اس پالیسی پر نظرثانی کی جائے۔
