جموں: وزیر دفاع راج ناتھ سنگھ نے اتوار کو جموں میں انتخابی ریلی کے دوران پاکستانی مقبوضہ کشمیر (پی او کے) کے لوگوں کو مخاطب کرتے ہوئے کہا کہ آپ ہندوستان آئیں اور اس کا حصہ بنیں۔ انہوں نے پاکستان کے زیر انتظام کشمیر کے باشندوں سے کہا کہ ہم آپ کو اپنا سمجھتے ہیں جب کہ پاکستان آپ کو غیر ملکی سمجھتا ہے۔
#WATCH | Ramban, Jammu & Kashmir | Defence Minister Rajnath Singh says, " we have never discriminated with anyone. our army is here, i want to ask you, do they discriminate? you people are fortunate, we have abrogated article 370 - we have done that for the prosperity and… pic.twitter.com/Tu4GgX1XcG
— ANI (@ANI) September 8, 2024
وزیر دفاع نے یہ باتیں رامبن اسمبلی حلقہ میں بی جے پی امیدوار راکیش سنگھ ٹھاکر کی انتخابی ریلی سے خطاب کرتے ہوئے کہی۔ آرٹیکل 370 کو بحال کرنے کے انتخابی وعدے پر نیشنل کانفرنس-کانگریس اتحاد کو نشانہ بناتے ہوئے انہوں نے کہا کہ جب تک بی جے پی موجود ہے، یہ ناممکن ہے۔
اگست 2019 میں آرٹیکل 370 کی منسوخی کے بعد جموں و کشمیر کی سکیورٹی صورت حال میں تبدیلی کا ذکر کرتے ہوئے انہوں نے کہا کہ اب یہاں کے نوجوانوں کے پاس پستول اور بندوق کے بجائے لیپ ٹاپ اور کمپیوٹر ہیں۔
مزید پڑھیں: جموں کا ہندو بی جے پی کو ووٹ نہیں دے گا: فاروق عبداللہ - JK Assembly Polls
وزیر دفاع نے کہا کہ ہمیں ریاست میں اگلی حکومت بنانے کے لیے بی جے پی کا ساتھ دینا چاہیے تاکہ یہاں کے لوگوں کی بڑے پیمانے پر ترقی ممکن ہو سکے۔ انہوں نے کہا کہ اتنی ترقی ہوگی کہ پاکستانی مقبوضہ کشمیر کے لوگ کہیں گے کہ ہم پاکستان میں نہیں رہنا چاہتے، ہم بھارت چلے جائیں گے۔ راجناتھ سنگھ نے کہا کہ پاکستان کے ایڈیشنل سالیسٹر جنرل نے حلف نامہ داخل کرتے ہوئے کہا کہ پی او کے ایک غیر ملکی سرزمین ہے۔
سنگھ نے کہا کہ میں پی او کے کے لوگوں کو بتانا چاہتا ہوں کہ پاکستان آپ کو غیر ملکی سمجھتا ہے لیکن ہندوستان کے لوگ آپ کو ایسا نہیں مانتے۔ ہم آپ لوگوں کو اپنا سمجھتے ہیں۔ اس لیے آئیں اور ہندوستان کا حصہ بنیں۔
