سرینگر: وزیر دفاع راج ناتھ سنگھ 24 فروری کو جموں و کشمیر کے ضلع ادھمپور کا دورہ کریں گے، جہاں وہ شمالی کمان ہیڈکوارٹرز پر کمان ہسپتال کی عمارت کا افتتاح کریں گے۔
ذرائع نے بتایا کہ وزیر دفاع اس موقع پر جموں وکشمیر کی تازہ صورتحال کے متعلق سینیئر فوجی کمانڈورں کے ساتھ بات چیت کریں گے۔
انہوں نے کہا کہ 'موصوف مرکزی وزیر اپنے اس دورے کے دوران جموں وکشمیر بالخصوص وادی کشمیر، لائن آف کنٹرول اور مشرقی لداخ میں چین کے ساتھ لگنے والی حقیقی کنٹرول لائن پر تازہ سکیورٹی صورتحال کے متعلق تفصیلی بریفنگ حاصل کریں گے'۔
