جموں و کشمیر اسٹیٹ بورڈ آف اسکول ایجوکیشن نے حال ہی میں دسویں جماعت کے امتحان کے نتائج کا اعلان کیا جس میں پھر سے ایک بار لڑکیوں نے لڑکوں پر سبقت حاصل کی۔ وہی ضلع پلوامہ کے مورن علاقے سے تعلق رکھنے والے غوثیہ نثار ولد نثار احمد نے دسویں جماعت کے امتحان میں 500 میں سے 493 نمبرات حاصل کئے۔ غوثیہ نثار نے حال ہی میں صرف 21 دنوں میں قرآن شریف لکھا تھا اب دسویں جماعت کے امتحان میں نمایاں کارکردگی کا مظاہرہ کرکے نام والدین کا نام روشن کیا۔
اس سلسلے میں غوثیہ نثار نے بتایا کہ دسویں جماعت کے امتحانات مکمل ہونے کے بعد انہوں نے قرآن پاک لکھنے کا ہدف مقرر کیا اور یہ ان کا بچپن کا خواب تھا کہ ہاتھ سے قران مجید لکھیں اور روزانہ گھنٹوں صرف کرنے کے بعد اپنے مقصد میں کامیاب ہوئیں اور صرف 21 دن میں مکمل قرآن پاک تحریر کیا۔
غوثیہ نثار نے کہا کہ کچھ بھی ناممکن نہیں، جس چیز کی ضرورت ہے وہ ہے محنت، مستقل مزاجی اور مقصد پر توجہ مرکوز کریں اور کامیابی آپ کے ساتھ ہوگی۔ انہوں نے باقی بچوں سے اپیل کی کہ وہ پانچ وقت کی نماز ادا کیا کریں اور کامیابی ان کے قدم چومے گی۔
