ترال:مرکز کے زیر انتظام یوٹی جموں و کشمیر کے ضلع پلوامہ کے ترال کے جھانکتار میں مواصلاتی نظام دستیاب نہ ہونے کی وجہ سے مقامی باشندوں کو بڑی پریشانیوں کا سامنا کرنا پڑ رہا ہے۔
ایک طرف سرکار وادی میں انفارمیشن ٹیکنالوجی کو پروان چڑھانے کے اور ڈیجیٹل دور کی باتیں کر رہی ہے وہیں جنوبی کشمیر کے ترال علاقے کا چھان کتار گاوں میں لوگ آج بھی بہتر مواصلاتی نظام سے محروم ہیں اور مانگ کر رہے ہیں کہ علاقے میں ایک ٹاور نصب کیا جائے۔
اس حوالے سے چھانکتار کے لوگوں نے خاموش احتجاج کرکے اپنی بات انتظامیہ تک پہنچا دی مقامی لوگوں نے بتایا کہ نیٹ ورک کی کمی سے جہاں انکو فون کال ملانے کے لیے دور جانا پڑتا ہے۔ وہیں راشن گھاٹ پر بھی لوگ راشن لینے سے محروم ہو رہے ہیں کیونکہ سرکار نے ان لاین دستخط کو لازمی قرار دیا ہے۔
یہ بھی پڑھیں:نیلفن ٹاپ میں مواصلاتی نظام کا فقدان، علاقے میں ٹاور نصب کرنے کا مطالبہ
گاؤں کے زیر تعلیم طلبا کو بھی زبردست دقتوں کا سامنا کرنا پڑ رہا ہے حالانکہ گاوں ٹاون سے چار ہی کلومیٹر دور ہے لیکن اسکے باوجود گاوں میں نظام ابتری کا شکار ہے جسے علاقے میں سماجی مسائل بھی پیدا ہو رہے ہیں۔
