بارہمولہ: منشیات فروشوں کے خلاف جنگ کو جاری رکھتے ہوئے پولیس نے شمالی ضلع بارہمولہ میں ایک بدنام زمانہ منشیات فروش کی غیر منقولہ جائیداد کو قرق کر دیا۔ پولیس ترجمان نے بتایا کہ بارہمولہ پولیس نے فاروق احمد میر ولد غلام محی الدین میر ساکن زاسپورہ ٹنگمرگ نامی بدنام زمانہ منشیات فروش کی 20 لاکھ روپے مالیت کی جائیداد کو منسلک کیا ہے۔
-
Police in Baramulla attached properties (1 Kanal & 10 Marlas Land and single story residential house worth approx. Rs. 20.00 lacs) belonging to notorious drug peddler 1/2@JmuKmrPolice@KashmirPolice@DIGBaramulla @DCBaramulla @Amod_India pic.twitter.com/q6McrIHVCH
— Baramulla Police (بارہمولہ پولیس) (@BaramullaPolice) April 4, 2024
انہوں نے کہا کہ یہ کارروائی این ڈی پی ایس ایکٹ 1985 کے متعلقہ دفعات کے تحت انجام دی گئی اور اس سلسلے میں پولیس اسٹیشن ٹنگمرگ میں ایف آئی آر زیر نمبرات 50/19,55/23اور کنزر تھانے میں 142/22کے تحت مقدمات درج ہیں۔
بیان میں کہا گیا کہ بارہمولہ پولیس کی طرف سے تحقیقات کے دوران اس جائیداد کی شناخت غیر قانونی طور حاصل شدہ جائیداد کے طور پر ہوئی ہے۔
ان کا کہنا تھا کہ 'یہ جائیداد پہلی نظر میں منشیات فروش کی طرف سے نشہ آور اور ادویات اور سائیکو ٹراپک مواد کی غیر قانونی اسمگلنگ سے حاصل کی گئی تھی'۔
مزید پڑھیں:پولیس نے بارہمولہ میں منشیات فروش کی لاکھوں مالیت کی جائیداد ضبط کرلی
قابل ذکر ہے کہ پولیس نے سال رواں میں وادی کشمیر کے مختلف اضلاع میں این ڈی پی ایس ایکٹ کے تحت کئی منشیات فروشوں کی پراپرٹی کو اٹیچ کیا ہے۔ پولیس کے مطابق اس طرح کی کارروائی سے منشیات فروشوں کے حوصلے پست ہوجائیں گے اور منشیات کے کاربار میں کمی آسکتی ہے۔
(یو این آئی مشملات کے ساتھ)
