اننت ناگ:مقامی باشندہ کا کہنا ہے کہ جب مذکورہ علاقے میں تیز ہوائیں چلتی ہیں تو بجلی کے کھمبوں پر ترسیلی لائنیں ٹک نہیں پاتی۔ انہوں نے کہا کہ برفباری کے ایام میں علاقے سے بجلی گل رہتی ہے، جبکہ علاقے میں بجلی کے کھمبوں کے بجائے مقامی لوگوں نے ازخود لکڑی کے کھمبے نصب کئے ہیں۔ جبکہ بعض مقامات پر ترسیلی لائنیں بجلی کے کھمبوں کے بجائے پیڑوں پر لٹکتی ہوتی ہے۔
مقامی باشندوں کے مطابق ان کے بچے اپنے گھروں میں شام کے اوقات میں پڑھائی حاصل کرنے سے قاصر رہ جاتے ہیں، جس کے باعث ان کی پڑھائی پر بھی منفی اثرات مرتب ہو رہے ہیں۔ایک طرف علاقے میں بجلی کے ناقص نظام سے لوگ پریشان ہیں۔ بجلی کی آنکھ مچولی سے لوگوں کو مشکلات کا سامنا ہے، جبکہ مہینہ ختم ہونے سے قبل ہی بجلی فیس کی بلیں انہیں ارسال کی جاتی ہے جو صارفین کے لئے باعث تشوش ہے۔
یہ بھی پڑھیں:چراغ تلے اندھیرا، اوڑی میں بجلی کٹوتی سے عوام پریشان
لوگوں کی مشکلات کا ازالہ کرنے کی غرض سے نمائندے نے فون پر یہ مسلہ محکمہ پی ڈی ڈی کے اسسٹنٹ ایکزیکٹیو انجنئیر عبدالرحمان شیخ کی نوٹس میں لایا تو انہوں نے کہا کہ وہ مذکورہ علاقے میں مرکزی حکومت کی اسکیم آر ڈی ڈی کے تحت علاقے میں بجلی نظام کو فعال بنانے کی غرض سے جلد ہی ٹھوس اقدامات اٹھائیں گے