بارہمولہ: جموں کشمیر اسمبلی انتخابات کی بات کرے تو دو مرحلے کا انتخاب ہو چکا ہے اور چند ہی دنوں میں بارہمولہ میں تیسری مرحلے کی ووٹنگ ہونے والی ہے۔ اور ایسے میں تمام سیاسی جماعتیں کافی سرگرم ہیں۔
اس دوران ای ٹی وی بھارت کے ساتھ خصوصی گفتگو کرتے ہوئے جنتا دل یونائٹیڈ کے بارہمولہ سنگمنٹ کے امیدوار ڈاکٹر ارشد نے کہا کہ جنتا دل ایک ایسی پارٹی ہے جو مرکز میں سرکار کے ساتھ ہے، ہمارا مقصد ہے کہ بارہمولہ کو ہم تعمیر و ترقی کی راہ پر لے جائیں۔
انہوں نے کہا کہ بارہمولہ قصبہ ایک مشہور جگہ ہے اور گزشتہ سالوں سے ہم نے ترقی نہیں کی ہے۔ انہوں نے کہا کہ جو اس وقت کی سرکار رہی ہے انہوں نے ڈیولپمنٹ کے نام پر کچھ نہیں کیا ہے۔ انہوں نے کہا کہ بجلی، سڑک ، اور پانی کو ترقی نہیں کہتے ہے بلکہ یہ صرف انسان کی بنیادی ضروریات ہے اور جن لوگوں نے آج تک عوام سے ووٹ لیے ہے، انہوں نے عوام کے لئے کوئی کام نہیں کیا ہے۔
ارشد نے مزید کہا کہ ہمارے بارہمولہ میں نوجوانوں میں کافی صلاحیت ہے لیکن آج تک نوجوانوں کے لیے کوئی کام نہیں کیا گیا ہے۔ انہوں نے کہا کہ مرکزی سرکار اسکل انڈیا کی بات کرتی ہے اور میں اور میری جماعت بھی اسی کے تحت نوجوانوں پر کام کرنا چاہتی ہے۔
انہوں نے مزید کہا کہ جو ہمارا ایگریکلچر سیکٹر اور ہارٹیکلچر ہے اس کے لئے ہماری تنظیم ضرور کام کرے گئ کیونکہ جو ہمارے کسان اور فروٹ گروورس ہیں، وہ کافی مشکلات کے دور سے گزر رہے ہے۔ انہوں نے کہا کہ بارہمولہ میں ہم کچھ نیا کرنے والے ہے کیونکہ جو ہماری تنظیم ہے انہوں نے ملک میں کافی کام کیا ہے اور آنے والے وقت میں بھی ہم جموں کشمیر اور بارہمولہ کو ماڈل بنا کے رہے گے۔
