جموں: پیر کو جموں اور سرینگر سمیت بیشتر علاقوں میں مطلع ابر آلود رہا۔محکمہ موسمیات نے 11 اور 12 مارچ تک بعض مقامات پر ہلکی بارش اور برف باری کی پیش گوئی کی ہے، جبکہ 13 اور 14 مارچ کے دوران بالائی علاقوں میں ہلکی بارش اور برفباری ہوسکتی ہے۔
حکام نے پیر کو سرینگر جموں قومی شاہراہ پر دلواس کے مقام پر ٹریفک کو جزوی طور بحال کر دیا ہے۔واضح رہے کہ قومی شاہراہ پر ہفتے کی صبح مرمتی کام کے پیش نظر ٹریفک کی نقل و حمل بند کر دی گئی تھی۔اتوار کو سڑک کو کچھ دیر کے لیے بحال کر دیا گیا تھا، تاہم پہاڑی سے ملبہ گرنے کے باعث سڑک کو دوبارہ بند کرنا پڑا تھا۔
-
Traffic update at 1330 hrs@JmuKmrPolice@JKTransportDept@OfficeOfLGJandK@Divcomjammu@DivComKash@ZPHQJammu@diprjk@ddnews_jammu@ddnewsSrinagar@ddnewsladakh pic.twitter.com/p0lqCheNrv
— J&K Traffic Police (@Traffic_hqrs) March 11, 2024
ٹریفک پولیس نے لوگوں سے کہا گیا ہے کہ وہ قومی شاہراہ کی صورتحال معلوم کرنے کے لئے ٹریفک کنٹرول یونٹ رامبن کے ساتھ رابطہ کریں۔
مزید پڑھیں: سرینگر جموں قومی شاہراہ پر 14 گھنٹوں تک ٹریفک معطل رہے گا
دریں اثنا جنوبی کشمیر کے ضلع شوپیاں کو صوبہ جموں کے راجوری اور پونچھ اضلاع کے ساتھ جوڑنے والئے تاریخی مغل روڈ پر ٹریفک مسلسل بند ہے، تاہم اس کو قابل آمد و رفت بنانے کے لئے کام جاری ہے۔
علاوہ ازی سرینگر – لیہہ شاہراہ، سنتھن – کشتواڑ، ڈوڈہ – چمبہ، بانڈی پورہ – گریز روڈ اور کپواڑہ – ٹنگڈار روڈ برف جمع ہونے کی وجہ سے بند ہیں۔
