سری نگر: جموں و کشمیر کے دارالحکومت سری نگر کی مضافات میں واقع داچھی گام میں منگل کی صبح سیکورٹی فورسز اور عسکریت پسندوں کے درمیان فائرنگ کے تبادلے میں ایک عسکریت پسند ہلاک ہو گیا۔ جس کی شناخت جنید احمد بھٹ کے طور پر کی گئی ہے جوکہ لشکر طیبہ کا کیٹگری اے کا عسکریت پنسد ہے۔ کشمیر زون پولیس کے ٹوئٹ کے مطابق جنید گگن گیر اور گاندر بل سمیت متعدد عسکریت پسند حملوں میں شامل تھا۔ داچھی گام کا یہ علاقہ ناپید ہونے کے قرین ایک مخصوص سرخ ہرن ہانگل کی آخری آماجگاہ ہے اور اسے نیشنل پارک کا درجہ حاصل ہے۔
Update : OP DACHHIGAM, #Srinagar
— Chinar Corps🍁 - Indian Army (@ChinarcorpsIA) December 3, 2024
One terrorist has been neutralised by the security forces in the ongoing Operation at upper reaches of Dachhigam Forest, Srinagar.
Search Operation is in progress. #Kashmir@adgpi@NorthernComd_IA
ایک سیکیورٹی اہلکار کے مطابق، جموں و کشمیر پولیس اور بھارتی فوج نے سری نگر کے داچھی گام جنگل کے بالائی علاقوں میں گزشتہ شام عسکریت پسندوں کی موجودگی کے بارے میں ایک مخصوص اطلاع پر محاصرے اور تلاشی کی کارروائی شروع کی۔ جس کے بعد وہاں فائرنگ شروع ہوئی۔
اہلکار نے مزید کہا کہ، تلاشی کے دوران چھپے ہوئے عسکریت پسندوں نے فائرنگ شروع کر دی جس سے انکاؤنٹر شروع ہو گیا۔ انہوں نے کہا کہ اب تک ایک عسکریت پسند مارا گیا ہے اور آپریشن جاری ہے۔ داچھی گام کا بالائی علاقہ جنوبی کشمیر کے کھریو اور ترال کے ساتھ ملتا ہے تاہم اس علاقے میں صرف ٹریکنگ کے ذریعے عبور و مرور ممکن ہے۔ اس علاقے میں کوئی سڑک نہیں ہے۔
موسم سرما کے دوران عام طور عسکریت پسند جنگل علاقوں کو چھوڑ کر میدانی اور آبادی علاقوں کا رخ کرتے ہیں کیونکہ سخت سردی اور برفباری میں جنگلات کے اندر بنائی گئی خفیہ کمین گاہوں میں رہنا تقریباً ناممکن ہوجاتا ہے۔ عسکریت پسندون کے میدانی علاقوں کی جانب رخ کرنے کے عمل کے دوران انہیں سیکیورٹی فورسز اپنے نرغے میں لاتے ہیں جس سے اس مدت کے دوران انکاؤنٹرز کی تعداد میں اضاٖفہ ہوجا تاہے۔
#WATCH | J&K: Security heightened in Srinagar as a joint operation has been launched by Indian Army & J&K Police at Harwan. All roads going towards the encounter site have been sealed by police.
— ANI (@ANI) December 3, 2024
One terrorist killed in the encounter with security forces in the Dachigam forest. pic.twitter.com/T5YqPX0q3G
داچھی گام میں جاری انکاؤنٹر کے دوران سری نگر میں سیکورٹی بڑھا دی گئی ہے۔ پولیس نے انکاؤنٹر کے مقام کی طرف جانے والی تمام سڑکوں کو سیل کر دیا ہے۔
گزشتہ ماہ سری نگر میں لشکر طیبہ کے سرکردہ عسکریت پسند کی ہلاکت کے بعد سری نگر میں یہ دوسرا انکاؤنٹر ہے۔
آپ کو بتا دیں کہ گزشتہ ماہ جموں و کشمیر کے بارہمولہ ضلع میں عسکریت پسندوں اور سیکورٹی فورسز کے درمیان تصادم میں ایک عسکریت پسند مارا گیا تھا۔ سوپور کے رام پورہ راج پورہ جنگلاتی علاقے میں سیکورٹی فورسز نے پھنسے ایک عسکریت پسندکو ہلاک کیا تھا۔ جنگلاتی علاقے میں عسکریت پسندوں کی موجودگی کی خفیہ اطلاع ملنے پر سرچ آپریشن کیا گیا۔
