اننت ناگ: جموں و کشمیر اپنی پارٹی کے سربراہ الطاف بخاری نے کہا کہ انہیں قوی امید ہے کہ الیکشن کمیشن اننت ناگ-راجوری حلقہ کے انتخابات کو موخر کر دے گا۔ شروع سے ہی ہم اس کا مطالبہ کرتے آ رہے ہیں کیونکہ ہر ووٹر کو اپنی پسند کے مطابق ووٹ ڈالنا چاہیے۔
الطاف بخاری نے کہا کہ پی ڈی پی کی اب کوئی وجود نہیں ہے۔ انہوں نے دعویٰ کیا کہ اپنی پارٹی کا براہ راست مقابلہ این سی سے ہے۔ ہمیں امید ہے کہ ہماری اپنی پارٹی نیشنل کانفرنس کو شکست دینے میں کامیاب ہوگی۔
اننت ناگ کے مونیوارڈ اور ویری علاقوں میں ایک عوامی جلسے سے خطاب کرتے ہوئے الطاف بخاری نے کہا کہ یہ پی ڈی پی ہی تھی جس نے جماعت اسلامی پر پابندی عائد کی تھی اور اگر اپنی پارٹی اقتدار میں آئی تو ایسی مذہبی تنظیموں پر پابندی ختم کر دی جائے گی۔
یہ بھی پڑھیں: این سی اور پی ڈی پی نے ستر برسوں کے دوران خاندانی راج کیا: طارق شاہ ویری
سید الطاف بخاری نے کہا کہ یہ پی ڈی پی نے جماعت اسلامی کو استعمال کرنے کے بعد پابندی لگا دی۔ انہوں نے کہا کہ جب اپنی پارٹی اقتدار میں آئے گی تو ایسی مذہبی جماعتوں پر پابندی ہٹا دی جائے گی۔ ان کی پارٹی کا براہ راست مقابلہ این سی سے ہے اور پی ڈی پی کا کہیں وجود نہیں ہے۔
