سرینگر: جسٹس محمد یوسف وانی نے آج ہائی کورٹ آف جموں و کشمیر اور لداخ کے ایڈیشنل جج کے طور پر حلف اٹھایا۔ حلف برداری کی تقریب چیف جسٹس این کوٹیشور سنگھ کے کورٹ روم میں منعقد ہوئی.
چیف جسٹس این کوٹیشور سنگھ نے حلف برداری کی تقریب کی سرپرستی کی، معزز معززین اور قانونی ماہرین کی موجودگی میں جسٹس وانی کو حلف دلایا۔ جسٹس تاشی ربستان، رجنیش اوسوال، ونود چٹرجی کول، سنجے دھر، جاوید اقبال وانی، راہول بھارتی، موکشا کھجوریا کاظمی، اور وسیم صادق نرگل نے ذاتی طور پر اس تقریب میں شرکت کی۔
اس تقریب میں جموں سے ورچول موڈ سے جسٹس اتل سریدھرن، سنجیو کمار، سندھو شرما، پونیت گپتا، محمد اکرم چودھری، اور راجیش سیکھری نے شرکت کی۔جسٹس وانی کی تقرری کے بعد جموں و کشمیر اور لداخ ہائی کورٹ کے ججوں کی تعداد چیف جسٹس سمیت 16 ہو گئی۔
مزید پڑھیں: محمد یوسف وانی ہائی کورٹ آف جموں وکشمیر اور لداخ کے ایڈیشنل جج مقرر
واضح رہے کہ سپریم کورٹ کالجیم کی طرف سے تقریباً دس روز قبل سفارش موصول ہونے کے بعد، صدر جمہوریہ ہند نے باضابطہ طور پر محمد یوسف وانی کو 2 سال کی مدت میعاد کے لیے ہائی کورٹ آف جموں و کشمیر اور لداخ کا ایڈیشنل جج مقرر کیا تھا۔
