بانڈی پورہ: شمالی کشمیر کے بانڈی پورہ ضلع کے پنار گاؤں میں جمعہ کے روز فائرنگ کرنے والے عسکریت پسندوں کی تلاش جاری ہے۔ گذشتہ روز دیر شام عسکریت پسندوں نے اندھا دھند فائرنگ کر دی تھی، جس کے بعد سکیورٹی فورسز نے پورے علاقے کو گھیرے میں لے لیا۔ آج عسکریت پسندوں کو تلاش کر کے بے اثر کرنے کے لیے فوج، نیم فوجی دستوں اور پولیس کی جانب سے سرچ آپریشن چلایا جا رہا ہے۔ سیکورٹی فورسز نے کئی علاقوں کو نے گھیرے میں لے رکھا ہے۔
OP PANAR, #Bandipora
— Chinar Corps🍁 - Indian Army (@ChinarcorpsIA) November 2, 2024
On 01 Nov 2024 late evening, suspicious movement was spotted, in gen area Panar of Bandipora, by alert troops. On being challenged, terrorists opened indiscriminate fire and escaped into the jungle.
Search Operation underway. #Kashmir@adgpi… pic.twitter.com/vDWuZbkQgj
سوشل میڈیا پلیٹ فارم ایکس پر ایک پوسٹ میں، فوج کی چنار کور نے جانکاری دیتے ہوئے لکھا کہ " بانڈی پورہ کے علاقے پنار میں چوکس اہلکاروں نے یکم نومبر کی شام دیر مشکوک نقل و حرکت کا مشاہدہ کیا۔ سکیورٹی اہلکاروں کی جانب سے چیلنج کیے جانے پر عسکریت پسندوں نے اندھا دھند فائرنگ شروع کردی اور اس دوران وہ جنگل میں فرار ہو گئے۔ علاقے میں سرچ آپریشن جاری ہے۔''
عسکریت پسندوں کو بے اثر کرنے کے لیے کئی علاقوں کو گھیرے میں لے لیا گیا ہے۔ خطے میں آنے جانے والے تمام راستوں اور ناکوں کو بند کر تے ہوئے مسلح فوجی اہلکاروں کو تعینات کر دیا گیا ہے تاکہ جنگل میں چھپے دہشت گردوں کی فرار ہونے کی کوشش کو ناکام بنایا جا سکے۔
یہ بھی پڑھیں: سرینگر کے خانیار میں عسکریت پسندوں اور سیکورٹی فورسز کے درمیان تصادم، انکاونٹر جاری
