جموں: ڈوڈہ کے کاستی گڑھ علاقے میں جمعرات کی صبح سے سکیورٹی فورسز اور عسکریت پسندوں کے درمیان انکاؤنٹر جاری ہے۔ حکام نے بتایا کہ ڈوڈہ ضلع کے دیسا کے جنگلات میں تلاشی مہم کے چوتھے دن جمعرات کی رات عسکریت پسندوں اور سکیورٹی فورسز کا آمنا سامنا ہوا۔ گذشتہ چار دنوں کے دوران یہ تیسرا موقع ہے جب ڈوڈہ کے جنگلات میں جنگجوؤں اور سکیورٹی فورسز کے درمیان فائرنگ کا تبادلہ ہوا۔
تازہ اطلاعات کے مطابق آج شروع ہوئے انکاؤنٹر میں دو جوان زخمی ہو گئے ہیں۔ ڈوڈہ کے سرکاری اسپتال میں زخمی جوانوں کے ابتدائی علاج کے بعد انہیں آرمی ہیلی کاپٹر (چاپر) کے ذریعے آرمی اسپتال منتقل کر دیا گیا۔ زخمی جوانوں کی حالت کے تعلق سے تازہ جانکاری کا انتظار ہے۔ اس سرچ آپریشن میں عسکریت پسندوں کی تلاش کے لیے چاپر کی خدمات بھی لی جا رہی ہیں۔
#WATCH | J&K: Two Indian Army soldiers injured in an encounter with terrorists in Kastigarh area of Doda. Initial treatment was administered at the Government Hospital in Doda and now they are being airlifted to Army Hospital through an Army chopper. pic.twitter.com/TY67kYvHCy
— ANI (@ANI) July 18, 2024
ڈوڈہ کے جنگلات میں انکاؤنٹر ابھی بھی جاری ہے۔ وہیں اسی کے ساتھ راجوری ضلع کے سندر بنی علاقے میں لائن آف کنٹرول (ایل او سی) کے قریب مشکوک نقل و حرکت دیکھ کر سکیورٹی اہلکاروں نے فائرنگ کی۔ واضح رہے کہ جموں ڈویژن میں عسکریت پسندوں کے بڑھتے حملوں کے بعد سے ڈیوٹی پر موجود سکیورٹی فورسز کی طرف سے مشکوک حرکات کے بعد اس طرح کی فائرنگ کی اطلاعات زیادہ آ رہی ہیں۔
اس سے قبل ڈوڈہ کے بھاٹا دیسا علاقے کے بالائی علاقوں میں بدھ کی درمیانی شب بھی فائرنگ کے مختصر تبادلے کی خبر سامنے آئی تھی۔ اس دوران سکیورٹی فورسز اور عسکریت پسندوں کے درمیان دو بار گولیاں چلنے کی اطلاع ملی۔ حکام نے بتایا کہ فائرنگ پانچ منٹ تک جاری رہی اور اس میں کوئی جانی یا مالی نقصان نہیں ہوا۔
مسلح عسکریت پسندوں کو بے اثر کرنے کے لیے فوج، نیم فوجی دستوں اور پولیس کی مشترکہ ٹیم کی طرف سے مسلسل چوتھے دن بڑے پیمانے پر تلاشی آپریشن شروع کیا گیا۔ اس دوران جنگل میں چھپے ہوئے عسکریت پسندوں نے کاستی گڑھ کے قریب سیکورٹی فورسز پر فائرنگ کی۔
واضح رہے کہ پیر کی شام ضلع ڈوڈا کے ڈیسا فاریسٹ ایریا میں عسکریت پسندوں اور سکیورٹی فورسز کے درمیان گولی باری کے دوران ہندوستانی فوج کے چار جوان مارے گئے۔
مزید پڑھیں:
ڈوڈہ انکاؤنٹر میں ایک افسر سمیت فوج کے 4 جوان ہلاک، ہیلی کاپٹر سے عسکریت پسندوں کی تلاش جاری
سرچ آپریشن کے تیسرے دن بھی ڈوڈہ کے جنگلات میں فائرنگ کا تبادلہ
گزشتہ برسوں کے مقابلے اس سال جموں میں عسکریت پسندوں کے حملوں میں اضافہ
