Congratulations to Team India on winning the T20 World Cup 2024!!
— Jammu & Kashmir Tourism (@JandKTourism) June 30, 2024
We welcome our champions to visit Jammu and Kashmir to continue the celebrations! It would be an honour to host you in the Crown of Incredible India.@PMOIndia @OfficeOfLGJandK @tourismgoi @BCCI @diprjk pic.twitter.com/J7cmWmLm6m
سرینگر (جموں کشمیر) : جموں و کشمیر کے محکمہ سیاحت نے بھارتی کرکٹ ٹیم کی ٹی ٹونٹی ورلڈ کپ میں شاندار جیت پر انہیں جیت کی خوشیوں کا دائرہ وسیع کرتے ہوئے کشمیر آنے کی دعوت دی ہے۔ بارباڈوس میں فتح کے جھنڈے گاڑنے والی ٹیم انڈیا کی میزبانی پر فخر اور جوش و خروش کا اظہار کرتے ہوئے محکمہ سیاحت نے جموں و کشمیر کے ثقافتی ورثہ اور قدرتی خوبصورتی کا خصوصی تذکرہ کیا ہے۔
سماجی رابطہ گاہ ایکس پر ایک پوسٹ میں جموں و کشمیر کے محکمہ سیاحت نے کہا: ’’ٹی 20 ورلڈ کپ 2024 جیتنے پر ٹیم انڈیا کو مبارکباد! ہم اپنے چمپیئنز کا جشن جاری رکھنے کے لیے جموں و کشمیر کا دورہ کرنے پر (ٹیم انڈیا کا) خیر مقدم کرتے ہیں! انکریڈیبل انڈیا کے تاج میں آپ کی میزبانی کرنا (ہمارے لئے) فخر و اعزاز کی بات ہوگی۔‘‘
یاد رہے کہ بھارت نے 2013 میں چیمپئنز ٹرافی کے بعد اپنا پہلا آئی سی سی ٹائٹل جیت کر اپنی 11 سالہ طویل ’’خشک سالی‘‘ کا خاتمہ کر دیا۔ جبکہ ٹی ٹونٹی ورلڈ کپ بھارت نے 2007میں جیتا تھا۔ اور یہ فخریہ کارنامہ بھارتی ٹیم نے بارباڈوس (ویسٹ انڈیز) میں ہفتہ کے روز روہت شرما کی قیادت میں سترہ سال بعد انجام دیا۔ بھارت نے فائل میچ میں جنوبی افریقہ کو سات رنوں سے شکست دی۔ ٹیم انڈیا کی فتح پر صدر ہند دروپدی مرمو، وزیر اعظم نریندر مودی سمیت حزب اختلاف سیاسی جماعتوں کے لیڈران نے بھی کھلاڑیوں کو مبارکباد پیش کی ہے۔
یہ بھی پڑھیں: ٹی ٹوئنٹی ورلڈ کپ 2024: اے آر رحمان نے یہ پرجوش گانا ٹیم انڈیا کو وقف کیا - AR Rahman
