کپوارہ میں دراندازی مخالف آپریشن میں تین عسکریت پسند ہلاک - Anti infiltration operation

جموں و کشمیر میں حال ہی میں عسکریت پسندانہ حملوں میں اضافہ دیکھا گیا ہے۔ یہ عسکریت پسندانہ حملے جنوبی کشمیر میں جاری امرناتھ یاترا کے دوران ہوئے ہیں۔ 9 جون کو ایک حملے میں 9 افراد ہلاک جبکہ 8 جولائی کو عسکریت پسندوں کے ایک حملے میں پانچ فوجی جوان ہلاک ہو گئے تھے۔

کپواڑہ: جموں و کشمیر کے کپواڑہ میں لائن آف کنٹرول (ایل او سی) پر اتوار کو دراندازی مخالف آپریشن کے دوران ہندوستانی فوج نے تین عسکریت پسندوں کو مار گرایا۔ فوج نے کہا کہ کپواڑہ کے کیرن سیکٹر میں آپریشن ابھی بھی جاری ہے۔ متعدد اسلحہ اور دیگر جنگی سامان بھی برآمد کیا گیا ہے۔

قبل ازیں ہندوستانی فوج نے بتایا کہ اس نے کپواڑہ میں دراندازی کی کوشش کو ناکام بنا دیا۔ ایل او سی پر جاری انسداد دراندازی آپریشن میں تین عسکریت پسندوں کو ختم کر دیا گیا ہے، اس کے ساتھ ساتھ ہتھیاروں اور جنگ کی طرح کے دیگر اسٹورز کی بازیابی کی گئی ہے۔ آپریشن جاری ہے"۔

قابل ذکر بات یہ ہے کہ جموں و کشمیر میں حال ہی میں عسکریت پسندانہ حملوں میں اضافہ دیکھا گیا ہے۔ یہ عسکریت پسندانہ حملے جنوبی کشمیر میں جاری امرناتھ یاترا کے دوران ہوئے ہیں۔ 9 جون کو جس دن وزیر اعظم نریندر مودی اور ان کی کابینہ کی حلف برداری ہوئی تھی، عسکریت پسندوں نے ریاسی میں امرناتھ یاتریوں کو لے جانے والی بس پر حملہ کیا، جس کے بعد یہ بس کھائی میں گر گئی، جس سے 9 افراد ہلاک ہو گئے۔

اس ماہ کے شروع میں 8 جولائی کو کٹھوعہ کے بدنوٹا علاقے میں بھاری ہتھیاروں سے لیس عسکریت پسندوں کے ایک گروپ نے فوج کی گشتی پارٹی پر گھات لگا کر حملہ کیا جس میں پانچ فوجی ہلاک اور آٹھ جوان زخمی ہو گئے۔ ایک اور واقعہ میں کولگام ضلع میں الگ الگ انکاؤنٹر میں چھ عسکریت پسندوں کو مار گرایا گیا۔