اونتی پورہ: اسلامک یونیورسٹی آف سائنس اینڈ ٹیکنالوجی نے اپنے بین الاقوامی مرکز برائے روحانی علوم کے تعاون سے سیرت النبی صلی اللہ علیہ وسلم پر دو روزہ بین الاقوامی کانفرنس کا انعقاد کیا۔
اس تقریب کا مقصد مختلف مذہبی روایات کے درمیان رسول اللہ صلی اللہ علیہ وسلم کی زندگی اور تعلیمات کو دریافت کرکے باہمی احترام کو فروغ دینا تھا۔ کانفرنس میں کئی نامور علماء موجود رہے۔ اس دوران علی گڑھ مسلم یونیورسٹی کے پروفیسر اے آر قدوائی نے کلیدی خطبہ دیا، جبکہ پروفیسر ایم افضل وانی نے پروگرام میں بطور مہمان خصوصی شرکت کی۔
دیگر قابل ذکر شرکاء میں اسلامک یونیورسٹی کے ڈین آف اکیڈمک افیئرز پروفیسر ایاز حسین مون، رجسٹرار پروفیسر عبدل واحد اور پروفیسر جی این خاکی موجود تھے۔ اس دوران طلباء کی ایک اچھی تعداد نے بھی پروگرام میں حصہ لیا۔ اس تقریب میں سیرت نبوی صلی اللہ علیہ وسلم کے مختلف پہلوؤں پر روشنی ڈالی گئی۔
میڈیا کے ساتھ بات کرتے ہوئے اسلامک یونیورسٹی کے رجسٹر پروفیسر عبدالواحد مخدومی نے بتایا کہ اس طرح کی بین الاقوامی کانفرنس کو منعقد کرانے کا مقصد یہ ہے کہ موجودہ دور میں اسلامی کے آفاقی پیغام کو عام کیا جائے اور بین المذاہب ہم آہنگی کو فروغ دیا جائے
