سری نگر: نیشنل کانفرنس کے صدر فاروق عبداللہ نےکہا کہ پڑوسی ملک میں پیشرفت کے تناظر میں ہندوستان کو انتہائی محتاط رہنا چاہئے اور بنگلہ دیش میں اپنے مشرقی محاذ پر صورتحال کو بڑی احتیاط سے دیکھنا چاہیے۔ جموں و کشمیر کے سابق وزیر اعلیٰ نے یہ بھی کہا کہ تمام آمروں کو یہ یاد رکھنا چاہیے کہ انہیں ’’بنگلہ دیش جیسے حالات کا سامنا کرنا پڑے گا۔''
اب مشرقی محاذ کھل گیا ہے۔ ہمیں انتہائی محتاط رہنا چاہیے اور ہمیں صورت حال کو بڑی احتیاط سے دیکھنا چاہیے، عبداللہ نے یہاں نامہ نگاروں سے جب بنگلہ دیش کی وزیر اعظم شیخ حسینہ کے استعفیٰ دینے اور ملک سے فرار ہونے کے بعد کی صورتحال کے بارے میں پوچھا تو کہا کہ امید ہے کہ پڑوسی ملک اس بحران پر قابو پالے گا اور ہندوستان کے ساتھ خوشگوار تعلقات برقرار رکھے گا۔
فاروق عبداللہ نے مزید کہا کہ بنگلہ دیش میں کئی سالوں سے بدامنی ہے اور بے روزگاری اس کی ایک بڑی وجہ ہے۔دوسری بات یہ کہ ملک کی معاشی حالت بھی بہت خراب تھی۔یہ سب ایسی صورت حال کا باعث بنا جس کے نتیجے میں حکومت کا خاتمہ ہوا، انہوں نے کہا،تمام آمروں کو یاد رکھنا چاہیے کہ وہ انہی حالات کا سامنا کریں گے جس کا بنگلہ دیش کو سامنا کرنا پڑا۔
مزید پڑھیں: غرقاب ہوئے ریاسی ضلع کے رہائشی کی تلاش جاری
الیکشن کمیشن آف انڈیا کے دورہ جموں وکشمیر کے بارے میں ایک سوال کے جواب میں، این سی صدر نے کہا کہ اسمبلی انتخابات کی تاریخیں طے کی جانی چاہئیں۔اور الیکشن ہونا چاہئے۔
