سرینگر (جموں کشمیر) : جمعہ کی صبح جنوبی کشمیر کے ضلع کولگام کے بالسو علاقے میں سڑک کنارے دیسی ساختہ دھماکہ خیز آلہ (آئی ای ڈی) برآمد ہوا ہے۔ پریشر ککر میں چھپائے گئے آئی ای ڈی دھماکہ خیز مادہ کا پتہ سیکورٹی فورسز کو صبح سویرے لگا۔ ایک عہدیدار نے بتایا کہ حکام نے بالسو - پریگام روڑ پر ٹریفک روک دیا ہے اور بم ڈسپوزل اسکوارڈ کو جائے وقوعہ پر روانہ کیا گیا ہے۔
#WATCH | Jammu and Kashmir: A joint team of patrol parties found a suspicious object on the roadside in Baloosa, Kulgam district. Bomb Disposal Squad (BDS) have been called.
— ANI (@ANI) August 9, 2024
More details awaited pic.twitter.com/VzJEpCrETn
حکام کا کہنا ہے کہ بم ڈسپوزل اسکوارڈ کی جانب سے ہری جھنڈی دکھائے جانے کے بعد ہی ٹریفک کو چلنے کی اجازت دی جائے گی۔ قابل ذکر ہے کہ آئی ای ڈی برآمد کیے جانے کا یہ واقعہ اس وقت پیش آیا چیف الیکشن کمشنر، راجیو کمار، وادی کشمیر کے دو روزہ دورے پر ہے۔ ای سی آئی کی ٹیم جموں کشمیر میں ممکنہ اسمبلی انتخابات سے قبل جہاں سیاسی جماعتوں کے نمائندوں سے ملاقات کر رہے ہیں وہیں وہ مجموعی طور پر سیکورٹی صورتحال کا جائزہ لیں گے۔
ای سی آئی کی ٹیم نے آج سرینگر میں چیف سیکریٹری اور اعلیٰ پولیس حکام سے ملاقات کی اور جموں میں پریس کانفرنس کے بعد قانون نافذ کرنے والے اداروں کے ساتھ ایک تفصیلی میٹنگ کرے گی۔
یہ بھی پڑھیں: پونچھ میں سات آئی ای ڈیز برآمد
