بھارتی فضائیہ کے ہیلی کاپٹر کی لداخ میں ہنگامی لینڈنگ، پائلٹ محفوظ - IAF helicopter emergency landing

Apache helicopter emergency Landing بھارتی فضائیہ کے ایک اپاچی ہیلی کاپٹر نے لداخ میں ہنگامی لینڈنگ کی، جس دوران دو پائلٹ بال بال بچ گئے اور وہ محفوظ ہیں۔

سرینگر: لداخ یونین ٹریٹری میں آج اس وقت سنسنی پھیل گئی جب انڈین ایئر فورس کے دو پائلٹ ہیلی کاپٹر حادثے میں بال بال بچ گئے ہیں، تاہم ہیلی کاپٹر کو کافی نقصان پہنچا ہے، جب کہ آئی اے ایف نے اس حادثے کی تحقیقات کے لیے کوٹ آف انکوائری کے احکامات صادر کیے ہیں۔

انڈین ایئر فورس کے ایک بیان کے مطابق اپاچی ہیلی کاپٹر نے لداخ میں محتاط آپریشنل ٹریننگ لینڈنگ کی۔ کاپٹر کو پیش آئے اس حادثے کے دوران اس میں سوار دو پائلٹ بال بال بچ گئے اور دونوں محفوظ ہیں۔

اگرچہ آئی اے ایف نے بیان میں حادثے کی وجوہات مکمل جانکاری نہیں دی ہے۔ بتایا جاتا ہے کہ اونچائی اور خطے کی مشکل جغرافیائی ساخت کی وجہ سے یہ حادثہ پیش آیا۔ حالانکہ حادثے کی وجوہات کے تعلق سے فی الحال حتمی طور پر کچھ بھی نہیں کہا جا سکتا ہے۔