بارہمولہ::شمالی کشمیر کے ضلع بارہمولہ کے رفیع آباد واترگام علاقہ میں محکمہ ہارٹیکلچر کی جانب سے کسانوں کے لئے ایک بیداری پروگرام کا اہتمام کیا گیا۔پروگرام میں محکمہ ہارٹیکلچر کے افسران کے ساتھ ساتھ رفیع آباد کے مختلف علاقوں سے آئے ہوئے کسانوں نے شرکت کی۔
اس موقع پر محکمہ ہارٹیکلچر کے ایک افسر شکیل احمد نے کہا کہ بیداری پروگرام کا مقصد سرکاری اسکیموں کو کسانوں تک پہچانا اور انہیں ان اسکمیوں کے ذریعے فائدہ مل سکے۔
انہوں نے کہا کہ مرکز سرکار کی طرف سے کسانوں کے لیے خصوصی اسکیمز ہے جو پچھلے چند سالوں سے چل رہی ہے۔ انہوں نے کہا کہ ان اسکمیوں کے لئے مخصوص فنڈنگ رکھے گئے ہے۔ انہوں نے کہا کہ محکمہ باغبانی بے روزگار نوجوان کے لیے یہ اسکمیں لا رہی ہے تاکہ وہ چھوٹے چھوٹے یونٹس شروع کرکے روزگار کما سکے۔انہوں نے کہا کہ ان اسکمیوں سے بے روزگار نوجوان استفادہ حاصل کر سکتے ہے۔
مزید پڑھیں: سرینگر: اسٹارٹ اپ قل فروٹ وال 60 کروڑ روپے کی غیر ملکی سرمایہ کاری
موصوف نے مزید کہا کہ سرکار اور محکمہ ہارٹیکلچر ایک کسان کو دس لاکھ تک قرضہ دے سکتی ہے جس میں سے 35 فیصد سبسڈی بھی کسان کو مل جاتی ہے۔انہوں نے کہا کہ کسانوں کو ان اسکمیوں سے فائدہ اٹھانا چاہیے اور اپنی کمائی میں اضافہ کرنا چاہیے۔
