سری نگر: الیکشن کمیشن آف انڈیا (ای سی آئی) نے رجسٹرڈ غیر تسلیم شدہ جماعتوں کو مشترکہ نشانات الاٹ کرنے کے لیے درخواستیں طلب کرکے جموں و کشمیر میں اسمبلی انتخابات کی تیاری شروع کردی ہیں۔
غور طلب ہے کہ ایک حالیہ نوٹیفکیشن میں ای سی آئی نے انتخابی نشانات (ریزرویشن اور الاٹمنٹ) آرڈر 1968 کے پیرا 10B کے تحت مشترکہ انتخابی نشانات کے لیے درخواستیں قبول کرنا شروع کر دی ہیں۔ یہ اقدام مرکز کے زیر انتظام جموں و کشمیر کی قانون ساز اسمبلی کے آئندہ عام انتخابات سے متعلق ہے۔
واضح رہے کہ ای سی آئی کا یہ اقدام اشارہ دیتا ہے کہ جموں و کشمیر میں اسمبلی انتخابات جلد ہونے والے ہیں۔ دسمبر 2023 میں سپریم کورٹ نے کمیشن کو یہ انتخابات 30 ستمبر 2024 تک کرانے کی ہدایت دی تھی۔
