بڈگام:مرکز کے زیر انتظام یوٹی جموں وکشمیر کے ضلع بڈگام میں واقع سوئبگ میں 2018 میں کالج کا کام شروع کیا گیا تھا لیکن آج اتنے برس گزر جانے کے بعد میں کلاج کا پہلے فیض کا بھی کام مکمل نہیں ہوا ہے۔
2018 میں ہی دوسرے علاقوں میں تعمیراتی کام شروع کیا گیا تھا جہاں پر اب درس تدرس کا کام شروع ہو چکا ہے۔مقامی باشندوں نے انتظامیہ سے سوال کرتے ہوئے کہا کہ جب دوسرے علاقوں میں کام مکمل ہو سکتا ہے تو پھر یہاں کیوں نہپں ہو سکتا ہے۔ان کے علاقے کو محروم کیوں رکھا گیا ہے۔
ان کا مزید کہنا تھا کہ کالج کے لئے اراضی بھی مقامی باشندوں نے عطیہ کی تھی تاکہ ان کے بچے اچھی تعلیم حاصل کر سکے۔ مگر اس کے باوجود بھی کچھ نہیں ہوا۔ مقامی باشندوں نے کہا کہ علاقے میں کالج نہ ہونے کی وجہ سے ان کے بچوں کو دور دوسرے علاقوں میں تعلیم حاصل کرنے کے لئے جانا پڑتا ہے۔
یہ بھی پڑھیں:ضلع ترقیاتی کمشنر پلوامہ نے راجپورہ میں جاری ترقیاتی کاموں کا معائنہ کیا
مقامی باشندوں نے یہ بھی کہا کہ علاقے کی آبادی بائیس ہزار سے زائد ہے اور بڈگام میں دوسرا سب سے بڑا علاقہ ہے مگر انتظامیہ اسکی طرف کوئی توجہ نہیں دے رہی ہے۔ انہوں نے انتظامیہ سے ایک مرتبہ پھر سے اپیل کی کہ انکی طرف توجہ دی جائے۔
