جموں: پیر کی شام ضلع ڈوڈہ کے ڈیسا فاریسٹ ایریا میں عسکریت پسندوں اور سیکورٹی فورسز کے درمیان تصادم کے دوران ہندوستانی فوج کے پانچ جوان زخمی ہوگئے۔
#WATCH | Jammu & Kashmir | Security has been beefed up on the Jammu-Doda Highway.
— ANI (@ANI) July 15, 2024
An Encounter started late at night in the Dessa area of Doda in which some of the Indian Army troops got injured. pic.twitter.com/11U8croEQU
جموں اور کشمیر کے ڈوڈہ ضلع میں پیر کی شام ایک انکاؤنٹر شروع ہوا، جس میں عسکریت پسندوں کے ساتھ فائرنگ کے تبادلے میں ایک افسر سمیت 5 فوجی اہلکار شدید زخمی ہو گئے۔
پولیس نے پیر کو بتایا کہ گولی باری ڈیسا کے جنگلاتی علاقے میں شروع ہوئی۔ ابتدائی طور پر فائرنگ کے تبادلے کی اطلاع ملی جس کے بعد سیکورٹی فورسز نے محاصرے اور تلاشی کی کارروائی شروع کی۔
تصادم اس وقت شروع ہوا جب عسکریت پسندوں کی جانب سے سکیورٹی اہلکاروں پر فائرنگ کی گئی جس کے نتیجے میں فوج کے جوان زخمی ہوگئے، زخمی فوجی جوانوں کی حالت تشویشناک بتائی جاتی ہے۔ زخمی جوانوں کو آرمی اسپتال میں داخل کرایا گیا ہے۔
وائٹ نائٹ کور کے آفیشل ٹویٹر ہینڈل پر ہندوستانی فوج نے ایک پوسٹ شیئر کرتے ہوئے جانکاری دی ہے کہ، مخصوص انٹیلی جنس معلومات کی بنیاد پر، ہندوستانی فوج اور جموں کشمیر پولیس کی طرف سے ڈوڈہ کے شمالی علاقے میں ایک مشترکہ آپریشن جاری تھا اور عسکریت پسندوں کے ساتھ تصادم رات تقریباً نو بجے شروع ہوا جس میں شدید فائرنگ کا تبادلہ ہوا۔ ابتدائی رپورٹوں سے پتہ چلتا ہے کہ ہمارے بہادرزخمی ہوئے ہیں۔" اس میں مزید کہا گیا ہے کہ، علاقے میں اضافی دستے بھیجے گئے ہیں۔ تصادم جاری ہے۔
