شوپیاں میں بی جے پی کنونشن، سو سے زائد نوجوانوں نے پارٹی میں شمولیت کی

BJP convention Shopian بی جے پی شوپیاں صدر محمد یوسف بٹ نے بتایا کہ پارٹی میں نوجوانوں کی شمولیت اس بات کا اشارہ ہے کہ نوجوان ترقی اور خوشحالی کے لیے سیاست میں شامل ہو رہے ہیں۔انہوں نے کہا کہ آنے والے انتخابات میں جموں و کشمیر سے بی جے پی پارٹی بھاری اکثریت سے کامیاب ہوگی۔

شوپیاں: لوک سبھا انتخابات کی تاریخوں کے ساتھ ہی جموں و کشمیر میں سیاسی پارٹیوں نے سیاسی سرگرمیاں تیز کی ہے۔ضلع شوپیاں کے ٹاؤن ہال میں منگل کے روز بی جے پی نے ایک پرواگرام منعقد کیا، جس میں پارٹی کے ضلع صدر محمد یوسف بٹ نے بطور مہمان خصوصی شرکت کی۔
اس دوران بی جے پی کے سینئر لیڈروں نے پروگرام میں موجود لوگوں سے خطاب کیا اور پردھان منتری نریندر مودی کی حکومت کی طرف سے چلائی جارہی کئی اسکیموں کے بارے میں جانکاری دی۔

اس موقع پر ایک سو سے زائد لوگوں نے بی جے پی کے ضلع صدر شوپیاں محمد یوسف بٹ ، میڈیا انچارج شوپیاں سجاد احمد گنائی اور دیگر پارٹی کارکنان کی موجودگی میں پارٹی میں شمولیت اختیار کی۔

پارٹی کنونشن کے دوران محمد یوسف بٹ نے بتایا کہ گزشتہ روز اپنی پارٹی کے ڈی ڈی سی ممبر اور نوجوانوں کی پارٹی میں شمولیت اس بات کا اشارہ ہے کہ نوجوان ترقی اور خوشحالی کے لیے سیاست میں شامل ہو رہے ہیں۔انہوں نے بتایا کہ آنے والے انتخابات میں جموں و کشمیر سے بی جے پی پارٹی بھاری اکثریت سے کامیاب ہوگی۔