پلوامہ (جموں و کشمیر): منشیات کے خلاف مہم کو جاری رکھتے ہوئے آج ضلع پلوامہ کے اوڈورہ شاورہ لیتر کے گاؤں میں آج ایک پروگرام کا انعقاد کیا گیا جس میں تحصیلدار زیشان طارق، پولیس، سول ایڑمنسٹریشن کے افسروں کے علاوہ ولیج ویلفر کمیٹی اوڈورہ کے ممبران نے بھی شرکت کی۔
پروگرام کے دوران اوڈورہ گاؤں کے مختلف گلی، کوچوں اور سڑک کے کناروں پر اگی جنگلی بھنگ کو تباہ کیا گیا۔ مقامی لوگوں نے کہا کہ اس طرح کے اقدامات سے نہ صرف نوجوانوں کو منشیات کے استعمال سے دور رکھا جاسکتا ہے بلکہ گاؤں کی خوبصورتی کو بھی مزید تقویت مل سکتی ہے۔
زیشان طارق نے کہا کہ گاؤں کی ویلفیئر کمیٹی کا یہ قدم گاؤں کی فلاح و بہبودی کے لئے ایک بہترین قدم ہے اور اس طرح کے اقدامات سے لوگوں میں ایک مثبت سوچ پیدا ہوگی جس سے منشیات کے استعمال سے ہونے والے نقصان کو ختم کیا جا سکتا ہے۔
تحصیلدر لیتر زیشان طارق نے گاؤں کے لوگوں کی تعریفیں کرتے ہوئے کہا کہ ایک لوکل کمیٹی کے ایسے قدم سے دوسرے گاؤں کے لوگ بھی بیدار ہو نگے جس سے منشیات کی بدعت کو ختم کرنے میں مدد مل سکتی ہے۔
انہوں نے کہا کہ ایڑمنسٹریشن لوگوں کو ایسے اقدامات اٹھانے پر ہر ممکن مدد فراہم کرنے کی کوشش کرے گی۔ تحصیلدار نے مزید کہا کہ منشیات جیسے نشے کو ختم کرنے کے لئے ہر فرد کو سامنے آنا چاہے تاکہ اس کا خاتمہ کیا جا سکے۔
یہ بھی پڑھیں:
