اقوام متحدہ: اقوام متحدہ کی سلامتی کونسل (یو این ایس سی) میں سفارت کار غزہ پر امریکہ کی جانب سے تیار کردہ قرارداد پر بات چیت جاری ہے، لیکن قرارداد میں فوری جنگ بندی کے مطالبے کی اہمیت کو کم کردیا گیا ہے۔ یہ اطلاع اقوام متحدہ میں روس کے نائب مستقل نمائندے دمتری پولیانسکی نے دی ہے۔
غزہ میں فوری جنگ بندی کا مطالبہ کرنے والی قراردادوں کو ناکام بنانے کے لیے امریکہ نے سلامتی کونسل میں گزشتہ پانچ مہینوں میں تین بار اپنے ویٹو پاور کا استعمال کیا ہے۔
پولیانسکی نے کہا کہ امریکہ سلامتی کونسل کے بقیہ ارکان کی جانب سے فوری جنگ بندی اور رفح میں اسرائیلی مہم کی مخالفت میں ایک قرارداد کا مطالبہ کرنے کی کوششوں میں رکاوٹ ڈال رہا ہے۔ جمعرات کو جاری کی گئی امریکی قرارداد میں اسرائیلی مہم کا حوالہ دیتے ہوئے کہا گیا ہے کہ ’’رفح میں زمینی حملہ مزید شہریوں کی ہلاکتوں اور ممکنہ طور پر پڑوسی ممالک میں نقل مکانی کا باعث بنے گا۔‘‘
مقامی حکام نے بتایا کہ غزہ پٹی میں اب تک 31 ہزار سے زائد افراد ہلاک ہو چکے ہیں۔ اس کے علاوہ 24 نومبر کو، قطر نے اسرائیل اور حماس کے درمیان ایک عارضی جنگ بندی اور کچھ قیدیوں اور یرغمالیوں کے تبادلے کے ساتھ ساتھ غزہ پٹی میں انسانی امداد کی ترسیل کے معاہدے کی ثالثی کی۔ جنگ بندی میں کئی بار توسیع کی گئی اور یکم دسمبر کو ختم ہوئی۔ خیال کیا جاتا ہے کہ 100 سے زائد یرغمالی ابھی تک غزہ میں حماس کے قبضے میں ہیں۔
مزید پڑھیں
- حماس نے تین مرحلوں پر مشتمل جنگ بندی کی تجویز پیش کی
- اسرائیل رفح میں منصوبہ بند چھاپوں کے باوجود حماس کو ختم نہیں کر پائے گا: حزب اللہ
- رفح میں حالیہ پیش رفت خطے کے لیے ایک "ڈراؤنا خواب": عالمی عدالت انصاف
- سیٹلائٹ تصاویر سے پتہ چلتا ہے کہ مصر غزہ کی پٹی کے قریب ایک دیوار تعمیر کر رہا ہے
- رفح سے فلسطینیوں کی جبری نقل مکانی میں حصہ نہیں لیں گے:اقوام متحدہ
